Ish-trajneri i Kombëtares shqiptare, Josip Kuzhe ka ndërruar jetë mbrëmjen e së dielës, rreth orës 21:15 minuta. Pas një sëmundje të rëndë, trajneri kroat Josip Kuzhe është ndarë nga jeta në një spital të Zagrebit. Kuzhe drejtoi për 18 muaj Kombëtaren shqiptare të futbollit në periudhën 2009-2011, duke e ngritur edhe më shumë nivelin e kësaj kombëtareje që është sot, kur drejtimin e mori Xhani De Biazi. Kuzhe arriti ta poziciononte Shqipërinë në vendin e 50-të në renditjen e FIFA-s, duke thyer i pari rekordin deri në muajin prill të vitit 2013, kur u thye nga trajneri aktual.
Josip Kuzhe u lind më 13 nëntor 1952 dhe ndërroi jetë në moshën 62-vjeçare. Edhe gjatë kohës që ishte trajner i ekipit tonë kombëtar ai ka pësuar një atak, ku u shtrua në Spitalin amerikan në Tiranë, madje duke e ndjekur ekipin nëpërmjet televizionit. Problemet e tij shëndetësore vijuan edhe më pas. Federata Shqiptare e Futbollit i shprehu ngushëllimet më të sinqerta familjes Kuzhe për humbjen e këtij kolosi të futbollit kroat dhe jo vetëm.
Josip Kuzhe u lind më 13 nëntor 1952 dhe ndërroi jetë në moshën 62-vjeçare. Edhe gjatë kohës që ishte trajner i ekipit tonë kombëtar ai ka pësuar një atak, ku u shtrua në Spitalin amerikan në Tiranë, madje duke e ndjekur ekipin nëpërmjet televizionit. Problemet e tij shëndetësore vijuan edhe më pas. Federata Shqiptare e Futbollit i shprehu ngushëllimet më të sinqerta familjes Kuzhe për humbjen e këtij kolosi të futbollit kroat dhe jo vetëm.
