Përfaqësuesja shqiptare e futbollit ka mbërritur në Francë ku do të qëndrojë përgjatë Euro 2016. Kuqezinjtë janë pritur nga një delegacion zyrtar i autoriteteve lokale në aeroportin e Lanion, në krahinën e Bretanjës.
Përfaqësuesja është sistemuar në Perros Girek, ndaj për të takuar kuqezinjtë në aeroport kishte dalë edhe kryetari i bashkisë së këtij qyteti turistik. Ai ka ndjekur protokollin e UEFA-s duke takuar një nga një lojtarët dhe stafin, një ceremoni e vogël e cila do të ndiqet për çdo ekip pjesëmarrës në Europian.
