Që nga ora 05:00 e mëngjesit të sotëm, në lagjen e "Trimave" në Kumanovë, po dëgjohen të shtëna dhe shpërthime të fuqishme.
Forca të shumta policore janë përqendruar në këtë lagje ku sipas informacione tona veprojnë disa persona të armatosur.
Mbi këtë lagje po fluturojnë edhe helikopterë të policisë.
Ndërkohë raportohet se nga vendngjarja vështirë mund të merren informacione për bilancin e këtyre luftimeve, për viktima eventuale ose të plagosur, sepse forcat e mëdha policore nuk lejojnë lëvizje të njerëzve në këtë zonë të qytetit.
Gjendja në Kumanovë vazhdon të jetë e tensionuar.
Dëgjohen ende të shtëna mes forcave të policisë dhe grupeve, ende të paidentifikuara.
09:18 - Banorë të Kumanovës bëjnë të ditur se ka patur përleshje të armatosura mes forcave policore dhe një grupi të armatosur brenda qytetit.
Të shtënat kanë qënë sporadike dhe nuk ka ende informacione të konfirmuara.
Të shtënat kanë ardhur nga laggja e njohur e "Trimave" apo rrugën "Tode Mendol", të banuara kryesisht me shqiptarë.
