Përjashtimet më të mëdha të listës, nga Brad Pitt tek Julia Roberts. Në “top 10” të klasifikimit, 6 prej tyre janë femra
Gjashtë në dhjetë. Një fitore e madhe kjo e femrave në klasifikimi e përvitshëm të Forbes mbi dhjetë yjet më influentë të showbiz. Revista ekonomike që çdo vit bën listën e më të fuqishmëve në bazë të fitimeve, por edhe influencës në mbi rrjetet sociale, mediatizimin, impaktit të strategjive të marketingut dhe shikueshmërisë të personazheve publikë ka nxjerr 10 VIP-at më me peshë në botë, një renditje kjo shumë e rëndësishme për këta personazhe.
Mbretëreshë e padiskutueshme, edhe njëherë është e përjetshmja Oprah Winfrey. Prezantuese televizive, por edhe producente dhe një kolose e vërtetë e konceptit “të bërit opinion” rendit në vendin e parë. Në moshën 59 vjeçare drejton ende perandorinë e ekranit të vogël në SHBA. Pas saj renditet Lady Gaga. Në ‘top ten’ nuk mund të mungonte Beyoncè, por edhe Madonna dhe Taylor Swift. Vendi i dhjetë për Ellen DeGeneres. Zbret në vendin e dymbëdhjetë Jennifer Lopez që vitin e kaluar ushte në Olimpin e VIP-ave, ndërsa Angelina Jolie cilësohet nga Forbes si “aktorja më me influencë në botë”, por fiton “vetëm” 33 milionë dollarë në botë dhe renditet në vendin e 41. Mes “new entry” bie në sy ajo e Jennifer Laërence në vendin e 49-të, aktorja që fitoja çmimin Oskar si aktorja më e mirë. Përjashtimet e mëdha janë Adele, aktorët Brad Pitt dhe Johnny Deep, aktoret Julia Roberts dhe Reese Witherspoon, këngëtari Elton John që këtë vit ka qenë shumë i impenjuar për të bërë rolin e babait.
1. Oprah Winfrey.
Është ajo VIP-i më influent i showbiz. 59 vjeçe, drejtuese televizive, producente e mbi të gjitha mbretëresha e opinionistëve që ka ndërtuar një perandori rreth emrit dhe grintës së saj. Në 12 muajt e fundit Winfrey ka fituar “vetëm” 77 milionë dollarë, “shumë pak” po ta krahasojmë me vitin e kaluar kur ajo në të njëjtën periudhë kishte fituar 165 milionë dollarë. Medalja e artë i takon sidomos për intervistën që i bëri ish kampionit të çiklizmit Lance Armstrong, që pranoi në një emision live televiziv që ishte i dozuar. Për Winfrey është hera e pestë që fiton kreun e klasifikimit.
2. Lady Gaga
Pavarësisht dëmtimit që e ka mbajtur larg skenave, zonjusha Germanotta vitin e fundit e ka fituar 80 milionë dollarë.
3. Steven Spielberg
Pas suksesit me filmin “Lincoln” regjisori merr vendin e tretë të podit. Për atë në vitin e fundit edhe firma mbi shtatë spote publicitare që bënë që të rritej edhe më shumë llogaria e tij e majme në bankë.
4. Beyoncè
Ka fituar tetë milionë dollarë në turin e saj botëror, nëse këtyre u shtojmë edhe paratë e mbledhura (për shikueshmërinë) gjatë perfomancës në SuperBowl dhe spotin për Pepsi-n për zonjushën Carter (që e lë bashkëshortin e saj Jay-Z mjaft vende më poshtë) është një vend i katërt i merituar.
5. Madonna
Pas dy vitesh mungesë rikthehet në klasifikim edhe Maddona. Ish vajza materialiste në 12 muajt e fundit ka shtuar në llogarinë e saj bankare 125 milionë dollarë.
6. Taylor Swift
Në Europë emri i saj nuk njihet shumë, por përtej oqeanit është një VIP shumë e famshme. Mbretëresha e muzikës country është 23 vjeçe dhe është për herë të pesë në klasifikimin e Forbes. Albumi i saj i fundit “Red”, vetëm në javë e parë të shitjeve mblodhi 1.2 milionë dollarë.
7. Jon Bon Jovi
Është i palodhshëm Jon Bon Jovi. Rock star nga New Jersey është në krye të klasifikimeve që prej 30 vjetësh dhe vazhdon të mbushë plot stadiumet. Turi i tij në fundit në SHBA bëri që ai të fitonte 3 milionë dollarë nata.
8. Roger Federer.
Është i vetmi sportist në top ten. Kampioni i tenisit pas zhgënjimeve të fundit në tokën e kuqe mund të ngushëllohet duke menduar për 40 milion dollarët që merr çdo vit falë sponsorëve.
9. Justin Bieber
Nuk mund të mungonte zogthi i vogël nga veza e artë e muzikës që dhe këtë vit është në top ten. Ai është më i riu në listën e top 100.
10. Ellen DeGeneres
Mbyll top ten një tjetër femër, aktorja Ellen DeGeneres që këtë vit ka fituar edhe një çmim Emmy
