Gjirokastër Kalaja e gurtë e Gjirokastrës vazhdon të jetë një prej monumenteve të kulturës dhe pikave më të vizitueshme nga grupet turistike vendase dhe të huaja që mbërrijnë në Gjirokastër. Sipas burimeve në Zyrën e Administrimit të Qytetit Muze, gjatë muajit qershor kështjella e gurtë e Argjiros është vizituar nga rreth 5 mijë turistë vendas dhe të huaj. “Janë me dhjetëra turistëve, jo vetëm nga Shqipëria, por edhe vende të ndryshme të botës, të cilët vizitojnë brenda një dite kështjellën e gurtë”, thotë drejtoresha e Zyrës së Administrimit, Ermira Çuberi.
Madje, sipas një anketimi të zhvilluar së fundi nga Organizata për Mbrojtjen dhe Zhvillimin e Gjirokastrës (GCDO), kalaja është pika më e preferuar për tu vizituar nga turistët që mbërrijnë në qytetin e gurtë. “Mes 100 të anketuarve, turistë vendas dhe të huaj, 67% e tyre e vendosnin kalanë në krye të listës së monumenteve të ndryshme, që do të preferonin të vizitonin gjatë udhëtimit të tyre në Gjirokastër”, thonë organizatorët e anketimit.
Madje, sipas një anketimi të zhvilluar së fundi nga Organizata për Mbrojtjen dhe Zhvillimin e Gjirokastrës (GCDO), kalaja është pika më e preferuar për tu vizituar nga turistët që mbërrijnë në qytetin e gurtë. “Mes 100 të anketuarve, turistë vendas dhe të huaj, 67% e tyre e vendosnin kalanë në krye të listës së monumenteve të ndryshme, që do të preferonin të vizitonin gjatë udhëtimit të tyre në Gjirokastër”, thonë organizatorët e anketimit.
