Një 99-vjeçar italian po divorcohet nga bashkëshortja e tij me të cilën jetonte prej 77 vjetësh, pasi zbuloi se rreth 60 vjet më parë ajo kishte pasur një lidhje jashtëmartesore. Avokatja e tij tha se nuk ka rëndësi për të nëse romanca ka zgjatur vetëm një periudhë të shkurtër dhe ajo i kishte qenë besnike gjatë shumë dekadave. Çifti, që u identifikua për mediat thjesht si Antonio dhe Roza, janë konsultuar të dy me avokatët përkatës dhe seanca e parë e divorcit u është caktuar në mars. Babait të pesë fëmijëve dhe gjyshit të dhjetëra nipërve e mbesave, Antonios xheloz, i ishin errur sytë pasi zbuloi disa letra romantike kur po pastronte apartamentin në Romë. Çifti ishte martuar në Napoli në vitin 1934, ku Antonio kishte takuar Rozën pasi ishin caktuar atje të punonin në karabinieri.
Dhjetë vjet më pas ajo e kishte tradhtuar. Avokatja Ana Orekioni, në Romë, tha se “bashkëshorti ishte ndjerë i tradhtuar pasi kishte gjetur letrat e dashurisë. Ai vendosi t’i jepte fund martesës pas 77 vjetësh bashkëjetese. Nuk ka rëndësi për të nëse letrat i përkitnin një periudhe gjashtëdhjetëvjeçare më parë. Është turp që martesa po përfundon në këtë mënyrë pas kaq shumë vitesh bashkë”, tha ajo. Lajmi bëri bujë për disa fakte: burri 99-vjeçar, që nuk dihet sa ditë jetë mund t’i kenë mbetur, lë gruan; motivi i ndarjes – një tradhti e shumë dekadave më parë; si dhe keqardhja për 77 vite martesë me shumë fëmijë, nipër e mbesa nëpër këmbë. Rekordin për martesën më të gjatë deri tani e mban një çift amerikan Marshall dhe Uini Kuykendall, të cilët kanë jetuar së bashku për 82 vjet, pasi u martuan në ditën e Shën Valentinit në 1929-n.
Dhjetë vjet më pas ajo e kishte tradhtuar. Avokatja Ana Orekioni, në Romë, tha se “bashkëshorti ishte ndjerë i tradhtuar pasi kishte gjetur letrat e dashurisë. Ai vendosi t’i jepte fund martesës pas 77 vjetësh bashkëjetese. Nuk ka rëndësi për të nëse letrat i përkitnin një periudhe gjashtëdhjetëvjeçare më parë. Është turp që martesa po përfundon në këtë mënyrë pas kaq shumë vitesh bashkë”, tha ajo. Lajmi bëri bujë për disa fakte: burri 99-vjeçar, që nuk dihet sa ditë jetë mund t’i kenë mbetur, lë gruan; motivi i ndarjes – një tradhti e shumë dekadave më parë; si dhe keqardhja për 77 vite martesë me shumë fëmijë, nipër e mbesa nëpër këmbë. Rekordin për martesën më të gjatë deri tani e mban një çift amerikan Marshall dhe Uini Kuykendall, të cilët kanë jetuar së bashku për 82 vjet, pasi u martuan në ditën e Shën Valentinit në 1929-n.
