Ahmetaj mesazh familjes Laver Bariut Ambasador boteror i folklorit

Ministri i Zhvillimit Ekonomik, Tregtisë dhe Sipërmarrjes z.Arben Ahmetaj i shpreh ngushëllimet e tij dhe të institucionit që drejton, familjarëve dhe njerëzve të tij të dashur.

“Një humbje e madhe për artin dhe kulturën shqiptare. Me muzikën e tij, Laveri ishte një Ambasador botëror i folklorit dhe historisë së Shqipërisë. Një figurë që e ngriti imazhin e vendit kudo luajti. Njerëzit e mëdhenj mbahen mend jo për mënyrën si ikën nga kjo jetë, por se si e jetuan atë; jo për atë që fituan në këtë botë, por për atë që i falën asaj. Laveri ka shumëçka për t’u mbajtur mend. Ngushëllimet më të sinqerta“.