Ish-futbollisti i kombëtares angleze Paul Konchesky është aksidentuar me automjetin e tij tip "Mercedez Benz" të dielën e kaluar.
Disa foto të publikuara në "Instagram" tregojnë futbollistin që transportohet me barrelë drejt spitalit më të afërt dhe automjetin e tij sportiv të dëmtuar.
Sipas "Dailymail", 34-vjeçari pësoi dëmtime të lehta dhe iu bashkua familjes pas qëndrimit për një kohë të shkurtër në spital.
Konchesky ka luajtur me disa ekipe në Premier Ligë si Fulhamin, Liverpulin, Leiçesterin në 2011 etj.
