Arrestohen dy kengetare greke ne Sarande kapen me 63.5 kilograme marijuane

Dy këngëtarë grekë janë kapur në pikën kufitare të Kakavijës me 63.5 kilogramë marijuanë, për ta trafikuar në drejtim të shtetit helen. Policia e Gjirokastrës raportoi arrestimin e 27-vjeçarit Panajotis Markopulos dhe 30-vjeçares Anastasia Vogiatzi, pasi në automjetin e tyre tip Seat me targa IPP 3885, u gjet 63.5 kilogramë drogë e ndarë në 95 pako. Ata ishin të ftuar për të kënduar në lokalet e Sarandës dhe kishin hyrë në territorin shqiptar nga pika e kalimit kufitar të Qafë Botës. Vetëm javën e kaluar ata kanë hyrë dy herë në Shqipëri për të performuar në lokalet e Sarandës dhe Gjirokastrës.

Nuk dihet nëse dy këngëtarët e njohur në vendlindjen e tyre, të kenë pasur për objekt trafikimin e mirëfilltë të drogës duke e blerë atë në Shqipëri, apo kjo ka qenë pjesë e pagesës së tyre për netët që kanë kënduar.