Një botim luksoz, ku mund të mësosh gjithçka mbi artin e trashëgiminë kulturore shqiptare. “Art & Trashëgimi” është revistë e përtremuajshe dygjuhëshe, në shqip dhe në anglisht, që i kushtohet promovimit të trashëgimisë kulturore shqiptare dhe arteve të bukura. Një botim i mirëfilltë kushtuar kulturës, që synon t’i ofrojë lexuesit shqiptar dhe atij të huaj një copëz arti, një copëz historie, një copëz poezie dhe pak nga shpirti shqiptar. Ky botim i cili ka marrë si mision shpluhurosjen e historisë, promovimin e trashëgimisë e të vlerave tona, e sjell atë të lexueshme dhe të kapshme nga të gjithë.
Çdo numër i dedikohet një qyteti shqiptar apo një qendre historike, përmban informacione, artikuj historikë, analiza, reflektime, si dhe ese për çështjet e trashëgimisë kulturore, artit dhe kulturës në Shqipëri. Numri i parë i kushtohej Beratit. Historianë, albanologë, studiues, si: Kristo Frashëri, Ardian Marashi, Pëllumb Xhufi, Aleksandër Meksi, Shaban Sinani, Afërdita Onuzi, gëzim Qendro etj., kanë shkruar për kulturën, traditat, arkitekturën, veshjet dhe gjithçka që e bën të veçantë këtë qytet. Pas Beratit erdhi radha e Gjirokastrës, për t’u ndjekur me Shkodrën e Durrësin.
Çdo numër i dedikohet një qyteti shqiptar apo një qendre historike, përmban informacione, artikuj historikë, analiza, reflektime, si dhe ese për çështjet e trashëgimisë kulturore, artit dhe kulturës në Shqipëri. Numri i parë i kushtohej Beratit. Historianë, albanologë, studiues, si: Kristo Frashëri, Ardian Marashi, Pëllumb Xhufi, Aleksandër Meksi, Shaban Sinani, Afërdita Onuzi, gëzim Qendro etj., kanë shkruar për kulturën, traditat, arkitekturën, veshjet dhe gjithçka që e bën të veçantë këtë qytet. Pas Beratit erdhi radha e Gjirokastrës, për t’u ndjekur me Shkodrën e Durrësin.
