Julian Assange, njeriu që qëndron pas materialeve të “Wikileaks”, thotë se deri më tani, sajti që ai drejton ka nxjerrë vetëm majën e ajsbergut të “malit” të informacionit që ka. Në një intervistë të fundit, ai shprehet se është vetëm çështje kohe, para se një informacion shumë më “pikant” do të publikohet në median e tij dhe atë ndërkombëtare
Përmes punës suaj, keni dhënë një imazh të panjohur më parë dhe të fshehtë për mënyrën e vendimmarrjeve politike në të gjithë botën. Çfarë mendoni për zhvillimet e fundit në Lindjen e Mesme dhe Afrikën e Veriut në këtë moment? A mendoni se jemi duke parë protesta që janë me të vërtetë të sinqerta, të nxitura nga situata e rëndë e lirive dhe ajo e jetesës, apo jemi duke parë një lloj revolte të orkestruar. Nëse është kjo e fundit, kush mendoni se qëndron pas gjithë këtij orkestrimi?
Ka zhvillime shumë të sinqerta dhe reale në disa pjesë të Lindjes së Mesme. E kam fjalën veçanërisht për Egjiptin, që është një rast i qartë. Kam qenë i shqetësuar në fillim, në lidhje me revolucionin në këtë vend, për ndryshimin e vërtetë të klasës qeverisëse, të karrigeve të diktatorëve. Pra kam qenë i shqetësuar, nëse do të kishte me të vërtetë një ndryshim apo jo të strukturës. Por pasi Mubaraku iku nga Kajro, pamë organizimin e disa mini-revolucioneve në të gjitha institucionet brenda Egjiptit, nga Aleksandria në Kajro. Mendoj se bëhet fjalë për ndryshime që është e vështirë të kthehen pas. Ajo që po ndodh në disa vende të tjera është paksa ndryshe. Situata në Libi është qartësisht një situatë në të cilën janë përfshirë aktorë shtetërorë në zona të ndryshme. Kjo është diçka e krijuar nga aktorë shtetërorë. Është normale për vende fqinjë që të kenë lidhje me njëri-tjetrin, duke filluar që nga çështjet e familjes, biznesit, e të tjera. Kjo është normale. Kur forca të jashtme që vijnë nga shumë larg nisin që të marrin një pozicion dhe rol agresiv në çështjet rajonale, atëherë mund të kemi të drejtë që t’i shohim gjërat më ndryshe dhe të themi se kjo situatë nuk është normale. Kështu, ajo që po ndodh në Libi, për shembull, nuk është normale.
Cili mendoni se është roli i rrjetit social në këtë situatë si “Twitter” apo “Facebook”? A kanë luajtur me të vërtetë rolin që u atribuohet në revolucionet e Lindjes së Mesme? Sa e lehtë është që të manipulosh media të tilla?
Veçanërisht “Facebook” është makineria më e tmerrshme e spiunazhit që është shpikur ndonjëherë. Është vendi që ka bazën më të madhe të të dhënave për njerëzit, duke filluar nga të dhënat anagrafike e deri te marrëdhëniet e tyre, adresat dhe komunikimet që kanë me njëri-tjetrin, të afërmit, miqtë, bashkëpunëtorët. Të gjitha këto janë të aksesueshme nga shërbimi seret amerikan. “Facebook”, “Google”, “Yahoo”, të gjitha këto organizata të mëdha të Shteteve të Bashkuara kanë ngritur struktura për shërbimet sekrete amerikane. Tani a është “Facebook” e drejtuar nga shërbimet sekrete amerikane? Jo. Nuk është kështu. Thjesht shërbimet sekrete amerikane kanë mundësinë që t’i bëjnë presione ligjore dhe politike rrjetit. Njerëzit duhet që ta kuptojnë se kur i shtojnë një “mik” të ri faqes së tyre në “Facebook”, janë duke i bërë një shërbim falas agjencive të shërbimit sekret amerikan në ngritjen dhe pasurimin e bazës së të dhënave për ta.
Le të flasim në lidhje me materialet e fundit të “Wikileaks” që janë publikuar. Ato e paraqesin Britaninë e Madhe si një vend ideal për ekstremizmin, duke qenë se 35 të burgosur të Guantanamos kanë kaluar përmes këtij vendi. A vazhdon Britania të jetë një vend i tillë?
Ka qenë vërtet një vend ideal për terroristët dhe është pa dyshim një vend i tillë për oligarkët dhe ish-diktatorët e botës. E mbani mend gjyqin e famshëm për ekstradimin e famëkeqit Pinoçet nga Britania e Madhe, ndaj të cilit Theçer bëri rezistencë, duke përdorur të njëjtin avokat, që është përfshirë aktualisht në procesin e ekstradimit tim nga Britania e Madhe. Tani pjesërisht kjo është edhe diçka e mirë, sepse është shprehje e liberalizmit të vërtetë në Britaninë e Madhe. Të gjithë mund të vijnë këtu dhe kanë mbrojtje. Por kjo është vetëm njëra anë. Britania mbron vërtet edhe aktivistët e fjalës së lirë si unë, e njëherazi mbron dhe mbështet edhe njerëz si djemtë e Gadafit.
Përse u publikua tani informacioni për Guantanamon i “Wikileaks”? Duket sikur është pak i vonuar. A mos vallë sepse Obama ka njoftuar se do të rikandidojë për President dhe mbyllja e Guantanamos ishte një nga premtimet e tij më të mëdha që bëri gjatë fushatës së parë në vitin 2008?
Ka shumë arsye pse këto materiale u publikuan tani. Ndër arsyet e para është ajo që ne jemi një organizatë e vogël, edhe pse shumë e dedikuar. Vitin e kaluar, ne u vumë në qendër të një sulmi të jashtëzakonshëm. Të gjitha këto gjëra vazhdojnë edhe sot që po flasim. Dhe, në njëfarë mënyre, e kanë dëmtuar deri-diku aftësinë tonë për të qenë shumë të shpejtë dhe për të publikuar gjithçka me shpejtësi dhe në kohën e duhur. Por, për sa i përket kohës së publikimit të materialeve, më duket koha e duhur. Obama hoqi dorë nga mbyllja e Guantanamos dhe vedno0si që të rihapë proceset gjyqësore. Tani ne jemi në një situatë, kur edhe vetë administrata e Obamës thotë se 48 nga të burgosurit që janë në Guantanamo janë plotësisht të pafajshëm dhe se duhet të çohen diku gjetkë dhe ndërkohë, asgjë nuk është duke lëvizur. Pra njerëz tërësisht të pafajshëm burgosen për vite me radhë, pa pasur të drejtën e gjykimit dhe pa asnjë shpresë apo shpëtim. Asnjë vend nuk pranon që t’i strehojë, përfshi edhe Shtetet e Bashkuara të Amerikës. Por janë Shtetet e Bashkuara ato që e shkaktuan këtë problem në fakt. Shtetet e Bashkuara janë përfshirë në grumbullimin e këtyre njerëzve të pafajshëm, duke organizuar një proces që ishte që në zanafillë të tij i korruptuar. Ka një arsye përse këta njerëz ndodhen në Guantanamo dhe jo në Shtetet e Bashkuara, apo në ndonjë vend tjetër. Dhe arsyeja është se në këtë pikë të largët, ata do të qëndronin më mirë të fshehur larg syve të ligjit. E njëjta gjë ndodh me ishujt e Karaibeve që përdoren për pastrim parash. Në këtë rast, Shtetet e Bashkuara janë përfshirë në “pastrim” njerëzish.
Le të flasim për partnerët tuaj mediatikë, njëri prej të cilëve është “The Guardian”, gazetë me të cilën jeni përfshirë edhe në një polemikë. Por në fakt, ju e zgjodhët atë si organin e parë në gjuhën e angleze për të shpërndarë materialet e “Wikileaks”. Tani gazetarët e kësaj gazete kanë publikuar një libër për “Wikileaks”, për të cilin ju thoni se është një sulm ndaj jush. Si do ta përshkruanit ju qëndrimin e gazetës ndaj lirisë së medias në përgjithësi?
Ata janë një organizatë mediatike dhe sigurisht duan sa më shumë të drejta që të jetë e mundur për publikimin. Ky është një interes i zakonshëm personal. Por ajo çka ata kanë bërë është një “mbi-redaktim” i materialeve që ne i ofruam për t’i publikuar. Ne e kemi vënë re këtë abuzim me materialin disa herë dhe jo vetëm tek “The Guardian”, por edhe “New York Times”, çka përbën një prishje të marrëveshjes fillestare që kemi pasur.
Le të flasim për ju. Aktualisht po luftoni kundër ekstradimit në Suedi. Cila është frika juaj, nëse do të ndodhte ky ekstradim?
Është një problem me dy pjesë. Shtetet e Bashkuara janë duke u përpjekur që të fitojnë një çështje për ekstradimin tim në Amerikë, mbi bazën e akuzës së spiunazhit dhe nëse vendoset që të pranohet ky shkak, unë dhe me siguri edhe të tjerë në stafin tim do të ekstradohemi kudo që të ndodhemi. Ndërsa problemi me ekstradimin në Suedi është se procesi vetë është korruptuar. Është korruptuar që nga fillimi. E pamë korrupsionin që nga media suedeze, si dhe të gjitha llojet e reagimeve të çuditshme.
Cilin e konsideroni si armikun tuaj numër 1?
Armiku ynë numër një është injoranca. Dhe më besoni që është armiku numër një për të gjithë. Është të moskuptuarit se çfarë është duke ndodhur aktualisht në botë. Vetëm kur nis që të kuptosh se mund të marrësh vendime efektive dhe të bësh plane efektive. Tani çështja është se kush po e promovon injorancën? Janë në radhë të parë ato organizata që po përpiqen t’i mbajnë gjërat e fshehta dhe ato organizata që e shtrembërojnë të vërtetën, informacionin e pastër për ta bërë të rremë. Në këtë kategori futet edhe media e keqe. Mendimi im është se media, në përgjithësi, është aq e keqe saqë kam pyetur veten mos vallë pa median, bota do të ishte më e mirë? Ato janë aq shtrembëruese dhe japin një imazh kaq të ndryshëm të asaj çka po ndodh me të vërtetë në botë…
Ne vazhdojmë që të shohim luftëra dhe qeveri të korruptuara që qëndrojnë në pushtet. Një ndër zbulimet optimiste që kam bërë është se thuajse çdo luftë që ka nisur gjatë 50 viteve të fundit, ka qenë si pasojë e gënjeshtrave të medias. Media mund t’i kishte ndalur luftërat, nëse do të kishte kërkuar më shumë të vërtetën, nëse nuk do të ishte bërë thjesht një përcjellëse e propagandës qeveritare. Popujt nuk i duan luftërat dhe popujt janë futur me hile nëpër luftëra. Nëse kemi një media të mirë, kemi edhe një botë në paqe.
Përmes punës suaj, keni dhënë një imazh të panjohur më parë dhe të fshehtë për mënyrën e vendimmarrjeve politike në të gjithë botën. Çfarë mendoni për zhvillimet e fundit në Lindjen e Mesme dhe Afrikën e Veriut në këtë moment? A mendoni se jemi duke parë protesta që janë me të vërtetë të sinqerta, të nxitura nga situata e rëndë e lirive dhe ajo e jetesës, apo jemi duke parë një lloj revolte të orkestruar. Nëse është kjo e fundit, kush mendoni se qëndron pas gjithë këtij orkestrimi?
Ka zhvillime shumë të sinqerta dhe reale në disa pjesë të Lindjes së Mesme. E kam fjalën veçanërisht për Egjiptin, që është një rast i qartë. Kam qenë i shqetësuar në fillim, në lidhje me revolucionin në këtë vend, për ndryshimin e vërtetë të klasës qeverisëse, të karrigeve të diktatorëve. Pra kam qenë i shqetësuar, nëse do të kishte me të vërtetë një ndryshim apo jo të strukturës. Por pasi Mubaraku iku nga Kajro, pamë organizimin e disa mini-revolucioneve në të gjitha institucionet brenda Egjiptit, nga Aleksandria në Kajro. Mendoj se bëhet fjalë për ndryshime që është e vështirë të kthehen pas. Ajo që po ndodh në disa vende të tjera është paksa ndryshe. Situata në Libi është qartësisht një situatë në të cilën janë përfshirë aktorë shtetërorë në zona të ndryshme. Kjo është diçka e krijuar nga aktorë shtetërorë. Është normale për vende fqinjë që të kenë lidhje me njëri-tjetrin, duke filluar që nga çështjet e familjes, biznesit, e të tjera. Kjo është normale. Kur forca të jashtme që vijnë nga shumë larg nisin që të marrin një pozicion dhe rol agresiv në çështjet rajonale, atëherë mund të kemi të drejtë që t’i shohim gjërat më ndryshe dhe të themi se kjo situatë nuk është normale. Kështu, ajo që po ndodh në Libi, për shembull, nuk është normale.
Cili mendoni se është roli i rrjetit social në këtë situatë si “Twitter” apo “Facebook”? A kanë luajtur me të vërtetë rolin që u atribuohet në revolucionet e Lindjes së Mesme? Sa e lehtë është që të manipulosh media të tilla?
Veçanërisht “Facebook” është makineria më e tmerrshme e spiunazhit që është shpikur ndonjëherë. Është vendi që ka bazën më të madhe të të dhënave për njerëzit, duke filluar nga të dhënat anagrafike e deri te marrëdhëniet e tyre, adresat dhe komunikimet që kanë me njëri-tjetrin, të afërmit, miqtë, bashkëpunëtorët. Të gjitha këto janë të aksesueshme nga shërbimi seret amerikan. “Facebook”, “Google”, “Yahoo”, të gjitha këto organizata të mëdha të Shteteve të Bashkuara kanë ngritur struktura për shërbimet sekrete amerikane. Tani a është “Facebook” e drejtuar nga shërbimet sekrete amerikane? Jo. Nuk është kështu. Thjesht shërbimet sekrete amerikane kanë mundësinë që t’i bëjnë presione ligjore dhe politike rrjetit. Njerëzit duhet që ta kuptojnë se kur i shtojnë një “mik” të ri faqes së tyre në “Facebook”, janë duke i bërë një shërbim falas agjencive të shërbimit sekret amerikan në ngritjen dhe pasurimin e bazës së të dhënave për ta.
Le të flasim në lidhje me materialet e fundit të “Wikileaks” që janë publikuar. Ato e paraqesin Britaninë e Madhe si një vend ideal për ekstremizmin, duke qenë se 35 të burgosur të Guantanamos kanë kaluar përmes këtij vendi. A vazhdon Britania të jetë një vend i tillë?
Ka qenë vërtet një vend ideal për terroristët dhe është pa dyshim një vend i tillë për oligarkët dhe ish-diktatorët e botës. E mbani mend gjyqin e famshëm për ekstradimin e famëkeqit Pinoçet nga Britania e Madhe, ndaj të cilit Theçer bëri rezistencë, duke përdorur të njëjtin avokat, që është përfshirë aktualisht në procesin e ekstradimit tim nga Britania e Madhe. Tani pjesërisht kjo është edhe diçka e mirë, sepse është shprehje e liberalizmit të vërtetë në Britaninë e Madhe. Të gjithë mund të vijnë këtu dhe kanë mbrojtje. Por kjo është vetëm njëra anë. Britania mbron vërtet edhe aktivistët e fjalës së lirë si unë, e njëherazi mbron dhe mbështet edhe njerëz si djemtë e Gadafit.
Përse u publikua tani informacioni për Guantanamon i “Wikileaks”? Duket sikur është pak i vonuar. A mos vallë sepse Obama ka njoftuar se do të rikandidojë për President dhe mbyllja e Guantanamos ishte një nga premtimet e tij më të mëdha që bëri gjatë fushatës së parë në vitin 2008?
Ka shumë arsye pse këto materiale u publikuan tani. Ndër arsyet e para është ajo që ne jemi një organizatë e vogël, edhe pse shumë e dedikuar. Vitin e kaluar, ne u vumë në qendër të një sulmi të jashtëzakonshëm. Të gjitha këto gjëra vazhdojnë edhe sot që po flasim. Dhe, në njëfarë mënyre, e kanë dëmtuar deri-diku aftësinë tonë për të qenë shumë të shpejtë dhe për të publikuar gjithçka me shpejtësi dhe në kohën e duhur. Por, për sa i përket kohës së publikimit të materialeve, më duket koha e duhur. Obama hoqi dorë nga mbyllja e Guantanamos dhe vedno0si që të rihapë proceset gjyqësore. Tani ne jemi në një situatë, kur edhe vetë administrata e Obamës thotë se 48 nga të burgosurit që janë në Guantanamo janë plotësisht të pafajshëm dhe se duhet të çohen diku gjetkë dhe ndërkohë, asgjë nuk është duke lëvizur. Pra njerëz tërësisht të pafajshëm burgosen për vite me radhë, pa pasur të drejtën e gjykimit dhe pa asnjë shpresë apo shpëtim. Asnjë vend nuk pranon që t’i strehojë, përfshi edhe Shtetet e Bashkuara të Amerikës. Por janë Shtetet e Bashkuara ato që e shkaktuan këtë problem në fakt. Shtetet e Bashkuara janë përfshirë në grumbullimin e këtyre njerëzve të pafajshëm, duke organizuar një proces që ishte që në zanafillë të tij i korruptuar. Ka një arsye përse këta njerëz ndodhen në Guantanamo dhe jo në Shtetet e Bashkuara, apo në ndonjë vend tjetër. Dhe arsyeja është se në këtë pikë të largët, ata do të qëndronin më mirë të fshehur larg syve të ligjit. E njëjta gjë ndodh me ishujt e Karaibeve që përdoren për pastrim parash. Në këtë rast, Shtetet e Bashkuara janë përfshirë në “pastrim” njerëzish.
Le të flasim për partnerët tuaj mediatikë, njëri prej të cilëve është “The Guardian”, gazetë me të cilën jeni përfshirë edhe në një polemikë. Por në fakt, ju e zgjodhët atë si organin e parë në gjuhën e angleze për të shpërndarë materialet e “Wikileaks”. Tani gazetarët e kësaj gazete kanë publikuar një libër për “Wikileaks”, për të cilin ju thoni se është një sulm ndaj jush. Si do ta përshkruanit ju qëndrimin e gazetës ndaj lirisë së medias në përgjithësi?
Ata janë një organizatë mediatike dhe sigurisht duan sa më shumë të drejta që të jetë e mundur për publikimin. Ky është një interes i zakonshëm personal. Por ajo çka ata kanë bërë është një “mbi-redaktim” i materialeve që ne i ofruam për t’i publikuar. Ne e kemi vënë re këtë abuzim me materialin disa herë dhe jo vetëm tek “The Guardian”, por edhe “New York Times”, çka përbën një prishje të marrëveshjes fillestare që kemi pasur.
Le të flasim për ju. Aktualisht po luftoni kundër ekstradimit në Suedi. Cila është frika juaj, nëse do të ndodhte ky ekstradim?
Është një problem me dy pjesë. Shtetet e Bashkuara janë duke u përpjekur që të fitojnë një çështje për ekstradimin tim në Amerikë, mbi bazën e akuzës së spiunazhit dhe nëse vendoset që të pranohet ky shkak, unë dhe me siguri edhe të tjerë në stafin tim do të ekstradohemi kudo që të ndodhemi. Ndërsa problemi me ekstradimin në Suedi është se procesi vetë është korruptuar. Është korruptuar që nga fillimi. E pamë korrupsionin që nga media suedeze, si dhe të gjitha llojet e reagimeve të çuditshme.
Cilin e konsideroni si armikun tuaj numër 1?
Armiku ynë numër një është injoranca. Dhe më besoni që është armiku numër një për të gjithë. Është të moskuptuarit se çfarë është duke ndodhur aktualisht në botë. Vetëm kur nis që të kuptosh se mund të marrësh vendime efektive dhe të bësh plane efektive. Tani çështja është se kush po e promovon injorancën? Janë në radhë të parë ato organizata që po përpiqen t’i mbajnë gjërat e fshehta dhe ato organizata që e shtrembërojnë të vërtetën, informacionin e pastër për ta bërë të rremë. Në këtë kategori futet edhe media e keqe. Mendimi im është se media, në përgjithësi, është aq e keqe saqë kam pyetur veten mos vallë pa median, bota do të ishte më e mirë? Ato janë aq shtrembëruese dhe japin një imazh kaq të ndryshëm të asaj çka po ndodh me të vërtetë në botë…
Ne vazhdojmë që të shohim luftëra dhe qeveri të korruptuara që qëndrojnë në pushtet. Një ndër zbulimet optimiste që kam bërë është se thuajse çdo luftë që ka nisur gjatë 50 viteve të fundit, ka qenë si pasojë e gënjeshtrave të medias. Media mund t’i kishte ndalur luftërat, nëse do të kishte kërkuar më shumë të vërtetën, nëse nuk do të ishte bërë thjesht një përcjellëse e propagandës qeveritare. Popujt nuk i duan luftërat dhe popujt janë futur me hile nëpër luftëra. Nëse kemi një media të mirë, kemi edhe një botë në paqe.
