Por si ndodhi ekzekutimi mafioz ndaj drejtorit të përgjithshëm të Credins Bank? Rreth orës 9.00 të së ejntes, automjeti i drejtuar nga Artan Santo ka dalë si zakonisht nga banesa e tij pranë Liceut Artistik në drejtim të filialit të Bankës Credins pranë zonës së ish bllokut. Artan Santo vinte nga Libri Univeristat në dretim të parkimit në krah të rrugës midis bankës Credins dhe Vilës 30.
Nga rruga e kryqëzimit të Kryesisë së Kuvendit vinte Mjeti motorrik i llojit Suzuki V-Strom. Dy persona të veshur identik me uniforma të mjeteve motorrike me të njëjtat kokore në kokë kanë arrur nga intinerari Liceut Artistik, në drejtim të kryeministrisë, Kryesisë së Kuvendit në drejtim të filialit të Bankës Credins aty ku do të parkonte mjeti i Santos
Ka qenë ora 9.15 min, kur sapo ka parkuar shoferi i Santos, ky i fundit ka qenë duke dalë nga dera e pasagjerit të përparëm, automjeti është qëlluar. Në foton e siguruar nga A1 REPORT duket dhe gjurma e plumbit në derën e pasme të pasagjerit, që për policinë mbetet mister se nga është qëlluar. Pasi dy autorët me motor kanë qenë të parkuar thuajse përballë automjetit, duke mos qenë në trajektoren e goditjes. Pas kësaj të shtëne ende mister se nga ka ardhur, biznesmeni 58-vjeçar ka nxituar të hyjë drejt bankës pasi brenda saj mund të ishte i sigurtë, por pa ia dalë dot.
Pikërisht këtu, killerat i janë afruar trotuarit me një distancë larg hyrjes së bankës 10 metra ku dhe kanë qëlluar mbi Artan Santon sapo ky i fundit kishte ngjitur trotuarin pranë bankës. Distanca nga viktima është 10 metra ndërsa nga mjeti i Santos 30 metra.
Santo është rrëzuar nga të shtënat dhe autorët kanë qëlluar sërish për tu siguruar që kishte vdekur. 6 plumba pistolete pa silenciator i kanë dhënë fund jetës së biznesmenit dhe botuesit të sukseshshëm Artan Santo. Skena që ka zgjatur vetëm disa sekonda është parë nga disa dëshmitarë. I pari roja i bankës i vendosur në kabinë vetëm 2 metra larg trupit të pajetë.
Tregtarët ambulantë të luleve përreth zonës kanë dëgjuar fillimisht të shtënat e më pas kanë parë motorrin të largohej në drejtim të Librit Universitar
Kamerat e sigurisë kanë fiksuar “Suzukin V-Strom” dhe dy killerat mbi të të veshur identik me kokore të njëjta. Ja ku duken në pamjet e fiksuara nga kamerat e sigurisë, dy killerat e Artan Santos dhe momenti i largimit të tyre nga vendi i ngjarjes në drejtim të Librit Universitar. Sipas informacioneve killerat pas largimit nga Libri Universitat janë drejtuar në drejtim të zonës së Selitës e më pas në drejtim të Fushë-Krujës. I gjithë ky intinerar pas ngjarjes që ka ndjekur ky motorr është nën vëzhgimin tashmë të forcave të shumta policore të mbështetura edhe nga helikopterët e Ministrisë së Brendshme
