Babai i Anna Kusinova Ne Ceki te vrasin per 20 koruna (Anna kishte nje vajze 17 vjece)

Për mediat çeke ka folur edhe babai i turistes çeke Anna Kusinova, e vrarë pak ditë më parë në Dukagjin. Ai shprehet i keqardhur dhe tregon se Anna kishte edhe një vajzë 17 vjeçare nga nje marrëdhënie e mëparshme.

Ndërkohë, ai tregon edhe një fakt interesant për çekët, të cilët sipas tij, të vrasin për 20 koruna.

A ka ardhur policia në shtëpinë tuaj?

Po, erdhën rreth orës 11 paradite.

Por unë nuk di shumë.

Vajza është e rritur, ajo nuk na tregon shumë.

Di vetëm që kishte shkuar për pushime.

Ata kanë qenë edhe vjet bashkë për pushime.

Është shumë e vështirë të them ndonjë gjë, sepse vërtet nuk di shumë.

Kur është hera e fundit që jeni takuar me vajzën?

Përpara se ajo të nisej. Të mërkurën.

Çfarë menduat kur e zbuluat. A mundët ta besoni që ka ndodhur një gjë e tillë kaq e tmerrshme?

Edhe ndodh. Këtu të vrasin për 20 koruna (monedha çeke), pse të mos ndodhë diku në Shqipëri. Kështu e ka jeta. S’kemi çfarë t’i bëjmë.

Jeni në kontakt me Ministrinë e Jashtme apo Policinë? A ju kanë njoftuar se çfarë po bëhet?

Kam një numër telefoni të tyre dhe mund t’i kontaktoj nëse duhet. Por edhe ata do të bëjnë të njëjtën gjë.

A keni menduar për ceremoninë e varrimit dhe e dini se kur do ta sjellin trupin e vajzës?

Jo, s’kam informacion për këtë. Ata thjesht më thanë që do ta sjellin trupin. Por nuk e di se kur, sepse duhet bërë fillimisht autopsia