Faqja fillestare e “Bing” ka një pamje shumë të ndryshme nga Google. Një fotografi e cila tregon vendndodhjen e përdoruesit, ndodhet në sfond e cila axhiornohet cdo ditë. Kalimi i “mouse” në pika të ndryshme të imazhit do ju japë edhe informacione të ndryshme, mbi atë që paraqitet në fotografi.
Kërkimet kryesore
Diferenca e menjëhershme që vihet re në kërkimet, sidoqoftë, nuk do jetë aq “revolucionare“: Bing në mënyrë automatike do ju sugjerojë që të rregulloni termin e përdorur në kërkim nëse ai është i gabuar, dhe do keni përgjigje vetëm në lidhje me atë që kërkoni. Sistemi tregon informacione të detajuara për kërkime të tipit “biography“, “quotes“, “books by“. Google në këtë aspekt nuk duket të japë të njëjtin rezultat, megjithëse edhe ai bën pak a shume një gjë të ngjashme.
Kërkimet Specifike
Aty ku vihet re diferenca më e madhe ndërmjet Bing dhe Google, është në kërkimet specifike, të detajuara. Nëse kërkoni për “Facebook” ju tregon vetëm një rezultat, pasi shumica e personave nëse kërkojnë këtë fjalë duan të logohen në Facebook. Nëse kërkoni një numër fluturimi(1) Bing menjëherë do ju japë oraret e fluturimit dhe gjithashtu informacione mbi aeroportet dhe destinacionet e atij fluturimi.
Menaxhimi i kërkimeve komplekse
Një sasi e konsiderueshme e kërkimeve në internet janë të njerëzve të cilët kërkojnë ndihmë për të marrë vendimet e tyre, si psh: Ku të shkojnë me pushime? Cilin restorant te prenotojnë? Ç’farë produktesh të blejnë? Me qëllimin për të thjeshtësuar këto kërkime, Bing në mënyrë automatike të tregon rezultatet, me harta të hoteleve, adresave të restoranteve, dhe gjithashtu të tregon analizat e bëra nga faqe të ndryshme interneti për këto shërbime në mënyrë që të ndihmojë përdoruesit të bëjnë zgjedhjen e tyre. Sërish, Bing në këtë kërkim sjell rezultate me konkrete se sa Google, duke sjellë të gjitha këto përgjigje në një vend: kjo sjell një limitim të vizitave në adresa të ndryshme të cilat mund të mos jenë aspak të rëndësishme për kërkimin e bërë.
Tani nuk na mbetet asgje tjeter vetem ta verifikojme vete kur te vihet ne sherbim te te gjitheve.
Eklipsi
