Nina Mula (Odjankova) ishte këngëtare shqiptare me origjine ruse. U lind me 23 nëntor 1931, në Izhevski, Rusi. Pas mbarimit të shkollës pedagogjike në qytetin e lindjes në 1950, kryen studimet e larta për kanto pranë Konservatorit P.I.Tchaikovsky, në Moskë, në vitin 1950-1955. Më pas kryen edhe një kualifikim pasuniversitar pranë Konservatorit të Moskës. Pas mbarimit të kursit, në vitin 1957, me bashkëshortin e saj, tenorin Avni Mula, vjen në Shqipëri dhe emërohet soliste pranë Teatrit të Operës në Tiranë. Në këtë institucion vazhdon të punojë deri në daljen e saj në pension, në vitin 1976.
Njëkohësisht, që në vitin 1965, punon si pedagoge e jashtme pranë Institutit të Lartë të Arteve, dhe në klasën e saj janë diplomuar më shumë se 33 studentë. Gjatë aktivitetit të saj në TOB, Nina Mula ka realizuar me shumë sukses një numër të madh rolesh kryesore nga operat e kompozitorëve shqiptarë si dhe nga literaturë botërore. Disa nga rolet e saj janë Rosina në operën “Il Barbiere di Seviglia”, 1958, Norina në operën “Don Pasquale”, 1959, Tatjana në “Eugenji Onjegin”, 1961, Violeta te “La Traviata” 1964 dhe 1972, Mrika te opera “Mrika”, 1959, 1966, Donika në operën “Skënderbeu”, 1968 etj. Ajo është nderuar me shumë çmime për krijimtarinë e saj.
Njëkohësisht, që në vitin 1965, punon si pedagoge e jashtme pranë Institutit të Lartë të Arteve, dhe në klasën e saj janë diplomuar më shumë se 33 studentë. Gjatë aktivitetit të saj në TOB, Nina Mula ka realizuar me shumë sukses një numër të madh rolesh kryesore nga operat e kompozitorëve shqiptarë si dhe nga literaturë botërore. Disa nga rolet e saj janë Rosina në operën “Il Barbiere di Seviglia”, 1958, Norina në operën “Don Pasquale”, 1959, Tatjana në “Eugenji Onjegin”, 1961, Violeta te “La Traviata” 1964 dhe 1972, Mrika te opera “Mrika”, 1959, 1966, Donika në operën “Skënderbeu”, 1968 etj. Ajo është nderuar me shumë çmime për krijimtarinë e saj.
