Blen reklame per tu ankuar ndaj kompanise

Në një skenë moderne përralle të Davidit kundër Goliatit, një klient i pakënaqur gjeti një mënyrë të re për të përdorur median shoqërore për të sulmuar një korporatë të madhe. I pakënaqur me kompaninë ajrore British Airways, pasi babai i tij humbi valixhet dhe kompania nuk u tregua korrekte në trajtimin e problemit, biznesmeni Hasan Syed vendosi të ankohet. Por në vend që të postojë vetëm një njoftim në Tëitter, ai pagoi për ta reklamuar këtë ankesë.

Ekspertët besojnë se përdorimi i reklamave të Twitter në këtë mënyrë mund të jetë një modë e re. Mesazhi shkruante: “Mos fluturoni me @BritishAirëays. Shërbimi i tyre për klientët është i tmerrshëm.”

Mesazhet e reklamuara zakonisht blihen nga kompanitë për të arritur te klienti. Syed bleu reklamën përmes shërbimit automatik për një shumë të padeklaruar. Ai shënjestroi tregun e Nju Jorkut dhe atë të Britanisë. Gjashtë orë pas reklamës, njoftimi u lexua e komentua nga mijëra njerëz. Ekspertët thonë se kompanitë do ta kenë jetën paksa të vështirë në rast se ankesat e klientëve reklamohen në këtë mënyrë. Me pak dollarë, efekti është i konsiderueshëm. Kompania reagoi me dhjetë orë vonesë ndaj kësaj ankese duke kërkuar ndjesë për vonesën.