Buxheti vjetor i mafise italiane me i madh se buxheti i BE-se

Buxheti vjetor i krimit të organizuar në Itali është më i lartë se buxheti i Bashkimit Evropian, njoftoi ministria e Jashtme italiane. “Buxheti vjetor i krimit të organizuar tejkalon 200 miliardë euro”, ka thënë Giovani Brauzzi, drejtor i Sigurisë në Ministrinë, duke shtuar se vetëm 10 për qind e këtyre parave investohen në Itali, ndërsa pjesa tjetër në botë.

“Kudo kanë miq të mirë”, shtoi ai, transmeton Telegrafi.

Për krahasim, buxheti i BE-së për 2014 arrin në 140 miliardë euro.

Brauzzi, në një konferencë mbi sigurinë kibernetike në Bruksel, tha gjithashtu se mafia - kur është fjala për kërcënimet më të vogla në internet - bashkëpunon me gjyqësorin italian në "marrëdhënie reciprokisht të dobishme”.

Sipas tij, mafia jep dëshmi tek autoriteteve gjyqësore në mënyrë që të gjejë këto grupe dhe të ndalojë kërcënimet, e kështu të mbrojë aktivitetet e saj. Në listën e pagave të mafisë janë avokatët dhe menaxherët kryesorë në vend.

Brauzzi pretendon se krimi i organizuar italian ka rrënjë në “kompanitë më të rëndësishme të sektorit financiar”.