Bylis dhe Tirana janë përballur sot mes tyre ndeshje e vlefshme për javën e 30-të të Kategorisë Superiore. Takimi i luajtur në "Adush Muça" është mbyllur në barazim 0-0 dhe të dyja skuadrat kanë ndarë nga një pikë.
Ndeshja ka nisur vrullshëm dhe me një ritëm të lartë. Ishin vendasit e Bylisit ata që janë shfaqur më kërcënues në fillim të ndeshjes ndërkohë që me kalimin e minutave tempi i lojës ra ndjeshëm dhe topi qarkullohej më së shumti në mesin e fushës.
Pjesa e parë u mbyll me shifrat 0-0. Edhe në fraksionin e dytë ka qenë e njëjta histori, por me bardheblutë më kërkues sidomos në minutat e fundit të ndeshjes. Bakaj ka pasur disa mundësi, por nuk i ka shfrytëzuar si duhet.
Mbyllet gjithçka 0-0 dhe Tirana merr vetëm një pikë duke u ngjitur në kuotën e 48 pikëve dhe mban sërish vendin e 5 në klasifikim. Edhe Bylisi humbet shansin për për t'ju afruar Flamurtarit dhe ballshiotët vijojnë të mbeten të parafundit në tabelën e rënditjes.
MINUTAT:
90´ Mundësi për Tiranën, Fukui pason te Bakaj brenda zonës, ky i fundit godet dhe Frashëri nuk e kontrollon si duhet, afrohet Peçi ta shtyjë drejt portës, por ka pozicion jashtë loje.
82´ Momente të mira për Tiranën, Bakaj tenton nga distanca, por kontrollon gjithçka portieri ballshiot.
70´ Bakaj tenton një goditje befasuese me të majtën, por gjuajtja e tij perfundon jashtë kuadradit.
67´ Tahiri provon goditjen nga distanca, por asnjë problem për Edvan Bakajn.
63´ Goditje dënimi për Bylisin, krosim drejt zonës, Varea provon me kokë, por topi devijoet dhe shkon në goditje kendi.
60´ Një ndeshje e qetë në këto minuta dhe pa raste. Ekipet qarkullojnë topin.
50´ Pranë golit Tirana, Vcaj në hyrje të zonës godet me të majtën, por topi kalon pak centimetra mbi traun e portës.
45´ Mbyllet pjesa e parë, Bylis-Tirana 0-0
43´ Largohet i dëmtuar Gjergji Muzaka, në fushë Peçi për bardheblutë.
38´ Sërish kërcënues Bylisi, Varea gdet tokazi pas një pasimi nga e djathta, por pret mjaft mirë Bakaj.
29´ Pranë golit Bylis, Hoxhaj depërton bukur në krahun e djathtë, kroson drejt zonës, Varea godet me kokë, por topi kalon ngjitur me shtyllën.
25´ Vazhdon të luhet në mesfushë dhe të dyja skuadrat vetëm sa qarkullojnë topin duke qëndruar shumë larg protave respektive.
17´ Goditje dënimi për Bylisin, goditje me kokë, por sërish e pa rrezikuar porta e Edvan Bakajt.
12´ Ka rënë ndjeshëm ritmi i lojës, ndryshe nga minutat e para.
07´ Gava provon me një goditje potente nga distanca, por pret në pozicion Edvan Bakaj.
06´ Tension në fushën e lojës, Peposhi ndëshkohet me karton të verdhë për një ndërhyrje të gabuar në mesfushë.
04´ Krosim nga e majta, Izuçuku shërben me kokë për Muskajn i cili godet me të majtën, por krejtësisht e gabuar goditja e tij.
01´ Ka nisur ndeshje me topin e parë të luajtur nga ballshiotët.
Bylisi - Tirana 0-0
Bylisi: Frashëri, Dukiç, Alla, Bilali, Peposhi, Muskaj, Gava, Tairi, Hoxhaj, Varea, Izuçuku Trajner: Adnand Zilxhoviç
Tirana: Ed. Bakaj, Smajli, Muça, Teqja, Hoxhallari, Vucaj, Karabeci, Malaj, Muzaka, Fukui, El. Bakaj Trajner: Ilir Daja
Gjyqtar: Kridens Meta
