Kastrioti vijon të stërvitet intensivisht për ndeshjen e radhës që do ta luajë ndaj Besës në shtëpi, ku fitorja është synimi për të vazhduar rrugën drejt ngjitjes në Superiore.
"Askush nuk e ndalon dot Kastriotin të rikthehet në elitë, edhe pse në ndeshjen e fundit u ndëshkuam nga një pakujdesi e jona në sekondat e fundit të takimit. Megjithatë, tani besoj që të tilla gabime nuk do të ndodhin më", tha Caca. "Këtë javë presim Besën, skuadër me tradita në futbollin tonë, e normalisht edhe një skuadër mjaft e fortë e cila shumë skuadrave u ka hapur probleme. Gjithsesi, në këtë takim ne nuk do ta diskutojmë fitoren dhe një plus më shumë është fakti që luajmë në shtëpi, ku do të kemi edhe mbështetjen e tifozerisë", mbylli Caca.
Përgatiti: Liridon Pasha
