Një burrë nga Xhorxhia deklaroi se ka gjetur formulën origjinale top sekrete të prodhimit të Coca-Cola në një kuti të vjetër me dokumente që ai i kishte marrë nga një pronë. Klif Klag e ka nxjerrë formulën në shitje në eBay për 15 milionë dollarë. Kompania Coca-Cola, e cila e ka mbajtur gjithnjë sekret formulën e pijes se krijuar në shekullin XIX, pasi e ka shqyrtuar formulën, njoftoi se ajo i afrohet Coca-Colas, por nuk është formula e vërtetë.
Klag, një shitës i objekteve antike nga Ringold në veri të Xhorxhias, tha se ai e ka gjetur formulën e vitit 1943 në një kuti me letra personale të marra nga ankandi i një kimisti të famshëm nga Xhorxhia. Klag spekuloi se Coca-Cola mund t’ia kishte dërguar kimistit formulën, pasi kishin probleme me sigurimin e elementeve të nevojshëm gjatë luftës. “Këto gjëra nuk hasen shpesh. Është një letër dhe një formulë dhe procesi për ta bërë atë, kjo është receta e Coca-Cola”, tha Klag.
Klag, një shitës i objekteve antike nga Ringold në veri të Xhorxhias, tha se ai e ka gjetur formulën e vitit 1943 në një kuti me letra personale të marra nga ankandi i një kimisti të famshëm nga Xhorxhia. Klag spekuloi se Coca-Cola mund t’ia kishte dërguar kimistit formulën, pasi kishin probleme me sigurimin e elementeve të nevojshëm gjatë luftës. “Këto gjëra nuk hasen shpesh. Është një letër dhe një formulë dhe procesi për ta bërë atë, kjo është receta e Coca-Cola”, tha Klag.
