Mbrojtësi Ditmar Bicaj i ka dhënë përfundimisht lamtumirën Partizanit dhe kampionatit shqiptar të futbollit, duke u transferuar në Iran. Futbollisti 27 vjeçar ka firmosur dje me klubin e Machine Sazi që luan në Persian Gulf Pro League.
Bicaj ishte prej kohësh në kërkim të një skuadre, pasi kishte ndërprerë marrëdhëniet me Partizanin që kur pati një mosmarrëveshje publike me ish-trajnerin Andrea Agostineli. Futbollisti kontaktoi me disa skuadra të ndryshme në kampionatin shqiptar, ndërsa u përfol edhe për një kthim të tijin te të kuqtë.
Por në fund ai ka zgjedhur t'i bashkohet Machine Sazi, në një kampionat të cilin e njeh mirë pasi në vitin 2014 ka luajtur për rivalët e kësaj skuadre në qytetin e Tabriz, Tractor Sazi.
