Drejtori shenonte bindjet politike te mesuesve

Të tjera fakte dalin në dritë  të cilat tregojnë ndërhyrjen e  strukturave shtetërore për të  ndikuar në rezultatin e zgjedhjeve të 23 qershorit.  Jo vetëm  punonjësit e ministrive të ndryshme apo të drejtorive, por edhe mësuesit janë vënën nën  “vlerësimin” e eprorëve të tyre.  Nuk bëhet fjalë për punën e tyre  si mësues, por për bindjen e tyre  politike duke treguar qartë se as  në zgjedhjet e fundit parlamen tare administrate publike nuk i  ka shpëtuar dot presionit poli tik.

Në një listë konfindenciale  të siguruar nga Vizion Plus, janë  hartuar pa dijeninë e mësuesve,  lista të tëra para zgjedhjeve nga  drejtoritë arsimore, ku janë ra portuar bindjet politike në shkolla, nga drejtori deri tek sanitarët. Një prej tyre është edhe lista e datës 30 prill të këtij  viti, gati dy muaj para zgjedhjeve, ku janë të detajuar të  dhënat e mësuesve të shkollës  9-vjeçare “Koçaj”, në Baldushk. 

Në krah të specifikës së çdo  mësuesi është shënuar dhe CV  e tij politike. Listën e kryeson  drejtori i shkollës “Koçaj”. Veç  profilit të tij, ngarkesës mësimore dhe vendbanimit, është  shënuar vota e tij, konkretisht  për Partinë Demokratike. Ka- në qenë vetë drejtorët e shkollave, të emëruarit direkt të poli tikës, që para zgjedhjeve kanë  hetuar dhe hartuar listat e për katësisë partiake të mësuesve. Po sipas këtij dokumenti, që u  dorëzohej drejtorive arsimore,  rezulton se mësuese Mira me  vendbanim në Njësinë 5 dhe  arsimtare në Baldushk, është  e vetmja qe ka deklaruar votën  pro Partisë ocialiste. Zyrtarët  e komanduar nga politika për  këtë qellim, në disa raste nuk  kanë arritur të mësojnë bindjet  politike të mësuesve.

Në listë- prezencën dorëzuar drejtorive  arsimore, atyre që nuk u është  lexuar dot mendimi për bindjet  politike, janë shënuar me termin “I ose e dyshimte”. Në këto  zgjedhje listat partiake u shtrinë  në të gjithë administratën.

Frika për vendin e punës detyroi  shumë punonjës të premtonin  votën edhe pse para kutive të  votimit qëndrimi i tyre mund të  ishte i ndryshëm. Gjatë zgjedhjeve të fundit, në media ja- në publikuar një numër i madh  dokumentesh të cilat faktojnë  se drejtues të institucioneve  shtetërore ndikojnë mbi punonjësit e tyre për t’i detyruar që të  votonin për Partinë Demokra tike.

 Akuza janë hedhur në media për ish-Drejtorin e Përgjithshëm të Burgjeve, Dibra, apo  për drejtorë spitalesh. Presion- it nuk kanë mundur t’i shpëtojnë as punonjësit e ministrive  apo të drejtorive qendrore. Që  në janar, grup-seksionet e Partisë Demokratike filluan përpilimin e listave të sakta për bindjet politike të punonjësve të administratës publike.

Ndryshimet  në Kodin Penal forcuan dënimet  për shkelësit e kodit zgjedhor,  por kjo nuk funksionoi praktikisht. “Ofrimi ose dhënia e të  hollave, bërja e premtimeve për  vende pune ose favorizime të  tjera në cilëndo formë, me qëllim që të marrë firmën për paraqitjen e kandidatit, për të votuar pro ose kundër një kandidati  apo për të marrë pjesë ose jo  në votime, përbën kundërvajtje  penale dhe dënohet me gjobë  ose me burgim gjer në gjashtë  muaj.

Pranimi i të hollave,  premtimeve dhe favorizimeve  të tjera për të kryer veprimet e  mësipërme, përbën kundërvajtje penale dhe dënohet me  gjobë”, thuhet në Kod. Rastet  e abuzimeve gjatë zgjedhjeve  të 23 qershorit u evidentuan,  por nuk u ndëshkuan ligjërisht.  Atyre që nuk  u është lexuar  dot mendimi për  bindjet politike,  janë shënuar me  termin “I ose e  dyshimte”.