Dy ekonomistë amerikanë janë fituesit e Çmimit Nobel të Ekonomisë, për punën e tyre në konceptimin e institucioneve të tregut që t’i përshtaten sa më mirë tregjeve të ndryshme. Akademia Mbretërore e Shkencave e Stokholmit shpalli fitues Alvin Roth, profesor i ekonomisë në Universitetin Harward dhe Lloyd Shapleyn, profesor në Universitetin e Kalifornisë në Los Anxhelos.
89-vjecari Shapley u vlerësua për punën e tij në zhvillimin e një procesi që i përshtat njerëzit, apo organizatat brenda një tregu, në mënyrë të qëndrueshme dhe që kufizon prirjen e tyre për manipulimin e njëri-tjetrit. 60-vjecari Roth nga ana tjetër, e meritoi cmimin prestigjoz për eksperimentet që tregojnë se si teoria e Lloyd Shapley-t mund të përmirësojë në praktike funksionimin e tregjeve të rëndësishme. Të dy amerikanët, të cilët punuan të pavarur nga njëri-tjetri, do të ndajnë së bashku çmimin me vlerën e 1,2 milionë dollarëve me motivacionin “Për punë të shquar në fushën e shkencës ekonomike”.
89-vjecari Shapley u vlerësua për punën e tij në zhvillimin e një procesi që i përshtat njerëzit, apo organizatat brenda një tregu, në mënyrë të qëndrueshme dhe që kufizon prirjen e tyre për manipulimin e njëri-tjetrit. 60-vjecari Roth nga ana tjetër, e meritoi cmimin prestigjoz për eksperimentet që tregojnë se si teoria e Lloyd Shapley-t mund të përmirësojë në praktike funksionimin e tregjeve të rëndësishme. Të dy amerikanët, të cilët punuan të pavarur nga njëri-tjetri, do të ndajnë së bashku çmimin me vlerën e 1,2 milionë dollarëve me motivacionin “Për punë të shquar në fushën e shkencës ekonomike”.
