Elbasani po përpiqet ta lërë pas barazimin me Butrintin në "Elbasan Arena", edhe pse ato dy pikë të lëna do i bëjnë të vuajnë deri në fund për sa i përket qëndrimit në kategori. 
Për fat të keq, elbasanasit nuk kanë një kalendar të favorshëm këtë fundjavë, sepse do të udhëtojnë në Pogradec, ku liqenorët janë në garë për një vend në Superiore.
Nisur nga ky fakt, elbasanasit e kanë të qartë se nuk do të jetë një shëtitje kjo përballje dhe se vetëm një mrekulli do t'u jepte atyre ndonjë pikë. Kjo, duke parë objektivat e të dyja skuadrave si edhe atë që kanë treguar këtë sezon, ku pogradecarët kanë fituar në dy sfidat e kaluara. Kur kanë mbetur edhe katër ndeshje, lufta është e vështirë.
Përgatiti: Vladimir Mema
