Kemi bërë një rrugëtim të rëndësishëm. Kemi dhënë maksimumin e potencialit tonë. Një ekip i bashkuar, i përbërë prej burrash të vërtetë, mund të arrijë gjithçka".
Teksa doli nga fusha kamerat qëndruan gjatë të fokusuara te Xhixhi Bufon, i cili, edhe pse ka fituar gati gjithçka në karrierë (i mungon Kupa e Europës dhe Liga e Kampioneve) nuk kapërdiu lehtë humbjen që i shkaktoi Gjermania.
I shokuar - "Ne kemi afruar pranë fanellës së kaltër miliona italianë. Kemi zgjuar shpirtrat e shumë tifozëve. Nuk mjaftuan tërë këto penallti, ishte diçka e fortë. Nuk di ta shpjegoj. Ishte një ndeshje shokuese". 38- vjeçari në fund të takimit ra pre e emocioneve dhe i përlotur "pickoi" teutonët duke u kujtuar serinë e penalltive.
"Ata gabuan 3 penallti nga 5 dhe përsëri u kualifikuan. Nuk di ta shpjegoj. Nuk e di nëse ka ndodhur ndonjëherë më parë. Sigurisht që duhet të shikojmë edhe nga ana jonë pasi gabuam shumë", shtoi Bufon.
Konte - Në fund të fjalës së tij, Bufon zbuloi edhe fjalët që i kishte thënë Konte. "Na takoi të gjithëve dhe na falënderoi për atë që i kishim dhënë. Ne jemi të lumtur që kemi punuar bashkë", tha Bufon
