Islandezët nuk mbeten pas edhe me mënyrën se si festojnë fitoret e tyre në këtë kampionat Europian. Pasi eliminuan Anglinë me rezultatin 1-2, futbollistët e Islandës iu drejtuan tifozëve duke festuar rezultatin historik që arritën në këtë Europian.
Islanda triumfoi në një sfidë kur Anglia cilësohej si favoritja kryesore. Pas këtij rezultati, Islanda do të përballet me Francën në çerekfinalet e "Euro 2016".
