Monedha e përbashkët evropiane, euro ka pësuar rënie në tregun tonë të këmbimit. Kjo jo vetëm si pasojë e dobësimit të euros në bursat botërore, por edhe si pasojë e faktorëve të brendshëm. Gjatë sezonit veror euro si çdo vit pëson rënie për shkak të fluksit të emigrantëve që kthehen në atdhe për pushime dhe valutës që ata sjellin me vete. Sipas kursit të Bankës së Shqipërisë, monedha europiane shkëmbehet aktualisht me 137.9 leke ose rreth 0.5 lekë më pak se një jave më parë.
Drejtuesit e agjencive valutore bëjnë të ditur se gjatë ditëve të fundit niveli i shkëmbimeve është rritur, megjithëse në shuma të vogla, gjë që tregon edhe për periudhën e vështirë që po kalojnë emigrantët shqiptare, për shkak të krizës europiane.
Drejtuesit e agjencive valutore bëjnë të ditur se gjatë ditëve të fundit niveli i shkëmbimeve është rritur, megjithëse në shuma të vogla, gjë që tregon edhe për periudhën e vështirë që po kalojnë emigrantët shqiptare, për shkak të krizës europiane.
