TIRANË, 6 Nëntor / ATSH-Klajdi Musabelliu / - Super ylli i muzikës rock në vend, Eugent Bushpepa është një emër që përveç se gëzon dashamirësinë maksimale të një target grupi(publiku) të papërcaktuar nga gjinia apo mosha, përbën gjithmonë lajm.
Së fundmi në adresën e tij zyrtare në rrjetin social "facebook", Genti, siç e thërrasin shkurtimisht miqtë edhe kolegët, i është drejtuar 26.996 mijë admiratorëve dhe fansave të tij në këtë rrjet, të cilët nuk ngopen dot vetëm me daljet dhe performancat e tij nëpër lokalet e muzikës live në kryeqytet dhe më gjërë, por e nxisin princin e ri të muzikës rrock që të shfaqet sa më shumë edhe në televizion.
Si për të ju përgjigjur publikisht kërkesave dhe thirrjeve të mijra miqve të muzikës dhe artit që artisti bën, por edhe për të realizuar ëndërrën e tyre. atë të të qënurit pjesë e materialit muzikor dhe pranë Gentit, ai i ka falenderur dhe vlerësuar ata me anën e një statusi që ka publikuar.
"Miq! Ju falenderoj pafund për përkrahjen që më jepni dhe ju jam mirënjohës për çdo fjale pozitive që më dërgoni, sepse vlerësimi juaj për mua do të thotë shumë", shkruan Gent Bushpepa.
"Së fundmi kam menduar që të filloj një bashkëpunim me ju, me ju që përpos pëlqimit ndaj artit tim shpesh më jepni dhe këshilla dashamirëse për ta perfeksionuar atë" vijon të rrë.fejë artisti.
"Atëherë pse mos të jeni pjesë e saj? Prandaj ftoj të gjithe ata që mendojnë se kanë talent në të shkruar, si shqip ashtu dhe në anglisht të më kontaktojnë në inbox me një ose më shumë tekste që duan të na dërgojnë", vijon Genti.
"Dëshiroj që të jeni pjesë e albumit që së shpejti do bëhet realitet, dhe do isha shumë i lumtur të bashkëpunoja me njerëz që janë një shtysë e madhe në karrierën time", e përmbyll artisti mesazhin e tij për fansat.
Eugent Bushpepa ka lindur në Rrëshen në 2 korrik të viti 1984.
Artisti i njohur dhe mjaft i pëlqyer në shqipëri, kosovë dhe jo vetë, nisi të këndonte që në moshën 6-vjeçare.
Ai u njoh me rock-un që në moshën 10 vjeçare nga një kasetë e grupit "Th Doors" që e motra i kishte dhuruar për ditëlindje, dhe që në atë kohë nuk iu nda më kësaj rryme ku Genti shkëlqen si jnë super star botëror.
Genti aktualisht jeton në Tiranë ku punon edhe si këngëtar në Top Channel nga ku u lançua në emisionin Top Show.
Geni gjithashtu studion edhe për Stomatologji.
Sakaq influencën e tij në muzikë ai e merr nga emra apo grupe si Glenn Hughes, Steve Perry, Joe Lynn Turner, Bruce Dickinson, Jorn Lande, David Coverdale, Ronnie James Dio, Rob Halford, James D Morrison, Donny Hathaway, Stevie Wonder, Alter Bridge, Deep Purple (Coverdale era), Whitesnake, Judas Priest, Iron Maiden, The Doors, Black Label Society, Ark, Creed, Godsmack, Journey, Foo Fighters etj.
Talent i padiskutueshëm, pas disa sukseseve në punë dhe disa prezantimeve me radhë ne evente muzikore.
Ëndërr reale, Maska e madhështisë, Udhëtari, janë vetëm disa prej hiteve të artistit të cilt nuk mund ti rendisësh dot për nga pëlqimi i njëjtë që publiku ka për to.
/a.g/
