"Euro 2016" do të përjetojë pushimin e parë zyrtar, pasi për ditën e enjte dhe të premte nuk janë parashikuara ndeshje në kalendarin e aktivitetit.
Takimet e këtij turneu kthehen të shtunën, me sfidat e para të fazës 1/8. Ndeshja hapëse e kësaj faze është ajo mes Zvicrës dhe Polonisë, e ndjekur nga dueli britanik mes Uellsit dhe Irlandës së Veriut. Ndërsa sfida që mbyll këtë ditë është Kroaci-Portugali.
Të dielën, Franca organizatore duhet të sigurojë biletën e saj në çerekfinale përballë Irlandës e cila ka një hesap për të larë që në kualifikueset e Botërorit 2010 me "gjelat". Gjermania duket të tregojë në orën 18:00 se ka bërë përmirësime përballë Sllovakisë, e cila e mundi lehtësisht 3-1 në ndeshjet përgatitore të Europianit. Dita mbyllet me një duel të paparashikuar mes Hungarisë dhe Belgjikës.
Dita e dielë do të ketë dy ndeshje, por secila e veçantë. E para është finalja e parakohshme mes Italisë dhe Sanjës, ndërsa e dyta është ajo mes pretendentëve të Anglisë dhe debutuesve të Islandës, të cilët tashmë kanë filluar të frikësojnë edhe skuadrat më të mëdha.
Kalendari
Të shtunën 25.06.2016
Zvicër-Poloni 15:00
Uells-Irlandë e Veriut 18:00
Kroaci-Portugali 21:00
Të dielën 26.06.2016
Francë-Irlandë 15:00
Gjermani-Sllovaki 18:00
Hungari-Belgjikë 21:00
E hënë 27.06.2016
Itali-Spanjë 18:00
Angli-Islandë 21:00
