Një pjesë e mirë e tifozëve rumunë janë treguar fair-play duke habitur këdo. Nëpër rrjetet sociale, ndryshe nga tifozeritë e tjera që rivalitetin e kanë me sulme verbale, fyerje apo gjëra të ngjashme, rumunët janë treguar realistë dhe kanë uruar Shqipërinë.
"Panorama" sjell një sërë komentesh të tifozëve rumunë nëpër rrjetet sociale kur shkruajnë se Shqipëria e meritoi fitoren dhe se Rumania luajti keq.
Madje ata i urojnë fat kombëtares kuqezi. Po kështu, ka edhe nga ata që e falënderojnë kombëtaren kuqezi me ironi.
"Faleminderit Shqipëri. Falë jush tashmë do të kemi një trajner të ri", shkruan një komentues. Më poshtë janë disa prej komenteve të tifozëve rumunë për fitoren e Shqipërisë.
