Shpërblimi i përvitshëm i Qeverisë për pensionistët nuk do të jepet këtë vit. Nga burime zyrtare pranë Ministrisë së Financave mësohet se për Festat e Fundvitit pensionistët nuk do të kenë asnjë mbështetje financiare nga qeveria. Të njëjtin fat duket se do të kenë edhe punonjësit buxhetorë, policët, apo mjekët të cilët janë në gatishmëri mbrëmjen e Vitit të Ri. Burime zyrtare nga Ministria e Financave sqarojnë se nuk kanë fond rezervë për të përballuar masën e shpërblimit për mbi 500 mijë pensionistët.
Po kështu ndodhi dhe vitin e kaluar, ku nuk u miratua asnjë fond për shpërblimin e Fundvitit. Prej disa vitesh u bë traditë që në Fundvitit Qeveria miratonte një mbështetje financiare prej 5 mijë lekësh për të moshuarit. Kjo shumë ishte pagëzuar si “Gjeli i Detit” i Vitit të Ri nga vetë kryeministri Berisha.
Por, dhe në fund të vitit 2009, ndërsa pritej si zakonisht shpërblimi Fundvitit, shuma u përgjysmua nga 5 mijë lekë në 2 500 lekë. Vendimi për mbështetjen financiare për festat, për pensionistët merret direkt nga Këshilli i Ministrave dhe Ministria e Financave i kalon shumën Institutit të Sigurimeve Shoqërore, që është i detyruar ta zbatojë atë në shpërndarjen e shumave të miratuara, sipas një grafiku të posaçëm.
Zakonisht shuma e shpërblimit merret nga fondi rezervë i Këshillit të Ministrave, por edhe nga zëra të tjerë të papërdorura deri në atë kohë. Për t’i mundësuar një mbështetje financiare prej 5 mijë lekësh ndaj rreth 554 mijë pensionistëve qeveria duhet të nxjerrë nga buxheti i shtetit një shumë prej rreth 28 milionë dollarësh. Duket s ky Vit i Ri do të jetë tepër i varfër për të moshuarit shqiptarë, përballë çmimeve të larta të ushqimeve, pensioneve të ulëta, dhe mungesën qoftë edhe të një shpërblimi modest nga ana e qeverisë shqiptare.
Po kështu ndodhi dhe vitin e kaluar, ku nuk u miratua asnjë fond për shpërblimin e Fundvitit. Prej disa vitesh u bë traditë që në Fundvitit Qeveria miratonte një mbështetje financiare prej 5 mijë lekësh për të moshuarit. Kjo shumë ishte pagëzuar si “Gjeli i Detit” i Vitit të Ri nga vetë kryeministri Berisha.
Por, dhe në fund të vitit 2009, ndërsa pritej si zakonisht shpërblimi Fundvitit, shuma u përgjysmua nga 5 mijë lekë në 2 500 lekë. Vendimi për mbështetjen financiare për festat, për pensionistët merret direkt nga Këshilli i Ministrave dhe Ministria e Financave i kalon shumën Institutit të Sigurimeve Shoqërore, që është i detyruar ta zbatojë atë në shpërndarjen e shumave të miratuara, sipas një grafiku të posaçëm.
Zakonisht shuma e shpërblimit merret nga fondi rezervë i Këshillit të Ministrave, por edhe nga zëra të tjerë të papërdorura deri në atë kohë. Për t’i mundësuar një mbështetje financiare prej 5 mijë lekësh ndaj rreth 554 mijë pensionistëve qeveria duhet të nxjerrë nga buxheti i shtetit një shumë prej rreth 28 milionë dollarësh. Duket s ky Vit i Ri do të jetë tepër i varfër për të moshuarit shqiptarë, përballë çmimeve të larta të ushqimeve, pensioneve të ulëta, dhe mungesën qoftë edhe të një shpërblimi modest nga ana e qeverisë shqiptare.
