Feste e dhimbjekoke

Astrit Lulushi, Zëri i Amerikës

Pa dyshim, festat janë gëzim. Por ato sjellin vërtetë edhe dhimbje koke. Dhimbjen kryesore e shkakton pazari, blerja e ushqimeve, plotësimi i listave të dhuratave, lodhja.

Një tjetër keqbërës? Ngrënia dhe pija e tepruar, ngritja e dollive pa fund e me fund me verë e alkohol.

Edhe era e rëndë e qirinjëve që digjen, aromat e luleve të ndryshme, mund të shkaktojnë dhimbje koke.

Prishja e orarit të gjumit, nxitimet për të plotësuar çdo plan për ditën e festave, përgatitja e ushqimeve, shtrimi i tryezave,  shpenzimet – të gjitha këto shkaktojnë dhimbje koke e stres.

Megjithatë, gëzimi është më i madh dhe shumë njerëz dhimbjet i ndjejnë pas festave.