Fillimisht ikën paratë, tani po ikin edhe firmat. Siç raporton Spiegel, në Greqi ka nisur eksodi i ekonomisë. Të enjten firma Coca Cola Hellenic bëri të ditur se do të zhvendoset për në Zvicër, ndërkohë që do të kalojë në bursën e Londrës. Kompania e pijeve është sipërmarrësi më i madh në vend. Por fabrikat e sipërmarrësit do të qëndrojnë në Greqi. Megjithatë arratisja është një shenjë e keqe për ekonominë e Greqisë, e zhytur prej pesë vitesh në recesion. Në korrik të këtij viti papunësia kërceu për herë të parë mbi 25 përqind. Për shkak të pasigurisë në vend, shumë firma po i zhvendosin xhirot e tyre jashtë vendit.
Por ikja e Coca Cola Hellenic ka edhe një arsye tjetër: kompania ishte ankuar për rritjen e taksave në Greqi. Kjo kompani është mbushësja e dytë më e madhe e Coca Cola-s në botë dhe i përket 23 përqind gjigandit amerikan. Vitin e shkuar kjo kompani arriti një fitim neto prej 330 milion euro dhe një xhiro prej 6.85 miliard euro. 95 përqind të tregtisë kjo firmë e bën jashtë vendit, vetëm 5 përqind në Greqi. Edhe të tjera sipërmarrje po largohen nga Greqia. Para pak kohësh firma e kosit dhe qumështit FAGE bëri të ditur se do të vendoset në Luksemburg.
Por ikja e Coca Cola Hellenic ka edhe një arsye tjetër: kompania ishte ankuar për rritjen e taksave në Greqi. Kjo kompani është mbushësja e dytë më e madhe e Coca Cola-s në botë dhe i përket 23 përqind gjigandit amerikan. Vitin e shkuar kjo kompani arriti një fitim neto prej 330 milion euro dhe një xhiro prej 6.85 miliard euro. 95 përqind të tregtisë kjo firmë e bën jashtë vendit, vetëm 5 përqind në Greqi. Edhe të tjera sipërmarrje po largohen nga Greqia. Para pak kohësh firma e kosit dhe qumështit FAGE bëri të ditur se do të vendoset në Luksemburg.
