Forbes 10 shkrimtaret me te paguar ne bote

Duam apo nuk duam, librat me ndjekje policeske, horror dhe historitë “rozë” u pëlqejnë njerëzve. Këtë e tregojnë shitjet. Revista “Forbes” ka nxjerrë një listë me shkrimtarët më të paguar në botë. Shuma marramendëse që variojnë nga 16 milionë dollarë, që është vendi i dhjetë, deri në 84 milionë dollarë. Shkrimtari me fat në krye të listës është James Patterson, fiton plot 84 milionë dollarë në vit. Vitin e kaluar ai ka shitur më shumë se 10 milionë libra. Edhe Amazon bëri të ditur se librat e tij elektronikë (e-books) kanë kaluar shifrën 1 milion. Patterson ndiqet me një diferencë jo të vogël nga shkrimtarja sa e dashur aq edhe e urryer, Danielle Steel. Me romancat e saj, që duket sikur i pjek në furrë sa hap e mbyll sytë, Steel fiton plot 35 milionë dollarë. Me sa duket, Steel ua ka gjetur pikën e dobët lexueseve. U ofron atë që ata nuk e kanë në jetë, pak romanticizëm…