"Panorama Sport" ju njeh me formacionin më të mirë dhe të dobët të javës së 31-të të Kategorisë Superiore. 
Trajneri më i mirë
ANDREA AGOSTINELI -Partizani kaloi një nga maloret më "të thepisura" me sukses. Edhe pse goli erdhi falë një "Xhevahiri" nga ana e Sukajt në minutat e fundit, trajneri i të kuqve ka meritë për atë fitore. Kjo, për shkak se edhe pse në inferioritet numerik, lëvizjet e tij i dhanë të drejtë në fund dhe Partizani ka marrë një trepikësh të artë.
Trajneri më i dobët
KLODIAN DURO- Nëse penalltia do të ishte shënuar, apo Emini do të ishte treguar i saktë në minutat e fundit, atëherë mund të kishte një tjetër gjykim. Fakti që Kukësi doli pa pikë, edhe pse luajti për gati 40 minuta me një lojtar më shumë, e bën trajnerin Duro që të ulet në pankinën e skuadrës më të dobët këtë javë.
