UPDATE/ FNSH ka ndihmuar të nxjerrë nga stadiumi skuadrën e Kastriotit pas një ore e gjysmë ngujimi brenda.
Pas dhunës së ushtruar ndaj lojtarëve të ekipit krutan, uniformat blu nuk kanë arritur të ndalojnë civilët vendas që gjuanin ndaj lojtarëve miq, është dashur ndërhyrja e Forcave të Ndërhyrjes së Shpejtë. Të cilët kanë marrë përsipër menaxhimin e situatës.
Erlind Korreshi, mesfushori lushnjar i Kastriotit, i dhunuar në Peshkopi pas ndeshjes.
Dhuna masive pas ndeshjes Pogradeci-Luftëtari nuk ka mjaftuar, pasi Kategoria e Parë dje ka degraduar. 
Nga informacionet më të fundit të gazetës, menjëherë pas ndeshjes në Peshkopi, lojtarët e Kastriotit janë dhunuar barbarisht nga tifozët vendës. 
Në hyrjen e dhomave të zhveshjes, tifozët dibranë kanë goditur me çadra dhe sende të tjera të forta lojtarë dhe pjestarë të stafit teknik të Kastriotit. Këta të fundit e kanë pasur të pamundur për shumë minuta për të dalë nga dhomat e zhveshjes.
Një dhunë e paparecedentë dhe të mendosh që tifozëria vendëse duhet të ishte në festë për këtë fitore.
