Kompania Koreano-Jugore Samsung mund të ketë humbur nëpër gjykata betejat me Apple, por ka dalë fituese në tregje. Smartfoni Samsung Galaxy S III i ka rrëmbyer nga ‘duart’ e Apple-s popullaritetin e iPhone.
Sipas të dhënave nga Strategy Analytics, në tre-mujorshin e tretë të këtij viti, Galaxy S III ka qënë më i shituri. Madje edhe më i shitur se iPhone 5, i cili është i ri në treg.
Por kjo fitore mund të mos zgjasë edhe shumë. Shkak për këtë është fakti se Galaxy ka qënë në shitje gjatë gjithë periudhës të tre-mujorshit të tretë, nga 1 Korriku deri më 30 Shtatori, kurse iPhone 5 doli në treg më 21 Shtator, vetëm nëntë ditë para se të mbylleshe tre-mujorshi. Duhet theksuar se shumë njerëz hezitonin të blinin iPhone 4S sepse prisnin daljen e iPhone 5.
Sipas Strategy Analytics, populluratiteti i Galaxy S III erdhi nga marketingu dhe reklamimi i shumtë i celularit, si dhe mbështetja e shumë kompanive në shumë vënde të botës.
Megjithatë pritet që në tre-mujorshin e katërt, i cili mbyllet në fund të vitit, iPhone të rimarrë përsëri vëndin e parë, të cilin e mbante prej kohësh, me iPhone 4S dhe iPhone 4. /Tech.Al/
http://www.tech.al/galaxy-s3-behet-celulari-me-i-populluar-ne-bote/
