Kuqezinjtë nuk i janë përmbajtur entuziazmit të fitores ndaj Rumanisë (0-1) edhe gjatë udhëtimit të tyre me autobus për në hotelin ku akomodohet Kombëtarja shqiptare e futbollit në Francë.
Alban Bushi ka postuar në Facebook një video me të gjithë grupin kuqezi në autobus duke kënduar së bashku.
Ndërkaq, edhe një video e publikuar nga sulmuesi Shkëlzen Gashi në profilin e tij në rrjetin social 'Facebook', tregon futbollistët duke festuar gjatë rrugës.
Gashi duket po aq entuziast për fitoren sa edhe futbollistët e tjerë të Kombëtares, paçka se trajneri De Biazi preferoi të mos e aktivizonte në këtë sfidë.
