Shkëlzen Gashi përgënjeshtron zërat për një rikthim të mundshëm të tij në Europë. Në një intervistë të dhënë për median zvicerane "blick.ch", sulmuesi kuqezi thotë se shpreson të fitojë një titull me ekipin e tij në SHBA, Colorado Rapids.
Shkelzen Gashi
I pyetur se në Itali qarkullojnë zëra për një ofertë nga klubi i Peskarës, Gashi u shpreh se: "Unë nuk kam fituar ende asgjë atje dhe sërish kanë dalë këto? (Qesh). Dua të fitoj titullin me ekipin tim, me të cilin kam nevojë për një përqendrim të plotë",-ka thënë Gashi për median zvicerane".
Sulmuesi rrëfen emocionet që përjetoi në Europian dhe sidomos në sfidën ndaj Zvicrës. Gashi thotë se Shqipëria kishte mundësi të merrte një pikë në takimin e parë në "Euro 2016", paçka se helvetët ishin më favoritë.
Duke folur për rastin e humbur në këtë ndeshje, Gashi vlerësoi meritën e portierit zviceran.
