Edhe pse me temperatura shumë të larta, Mërkuri, planeti më i afërt i diellit, ka akull dhe materiale organike të ngrira nëpër të çarat e tij në polin e veriut. Lajmin e kanë bërë të ditur shkencëtarët e NASA-s.
Teleskopa nga Toka kishin rreth 20 vjet që mblidhnin evidenca akulli në Mërkuri, por gjetja e organikave ishte me të vërtetë një suprizë, kanë thënë hulumtuesit me anijen kozmike ‘Messenger’ të NASA-s. Anija kozmike ‘Messenger’ ishte sonda e parë të qarkullonte orbitën e Mërkurit.
Të dyja, akulli dhe materialet organike, të cilat janë të ngjashme me qymyrin, besohet se kanë përfunduar atje para milionave vjetëve më parë nga kometa dhe asteroide që janë përplasur në planet.
“Nuk ishte diçka që në prismim të shifmim, por në të njëjtën kohë e gjitha ka një kuptim, sepse e shikojmë këtë gjë edhe në vënde të tjera si akullnaja në sistemin diellor, dhe bërthamat e kometave,” ka thënë shkencëtari planetar David Paige, i cili punon tek Universiteti i Kalifornisë në Los Anxhelos.
Ndryshe nga sonda e Marsit ‘Curiosity’, e cila teston gurët dhe dheun direkt për materiale organike, sonda ‘Messenger’ rrezaton në Mërkuri rreze lazeri, numëron pjesëzat, mat rrezet gama, dhe mbledh të dhëna direkt nga orbita.
“Shpjegimi që i përshtatet të gjitha të dhënave është se ajo që kemi gjetur në Mërkuri është material organik,” ka thënë Shan Solomon, shkencëtar kreu i ‘Messenger’-it në Universitetin e Kolumbia-s në Nju Jork.
“Kjo nuk është një hipotezë marramendshe. Vetëm se asnjë nuk ka ndonjë shpjegim ndryshe që i përshtatet vëzhgimeve më mirë,” ka shtuar z. Paige.
Shkencëtarët nuk mendojnë se Mërkuri është apo ishte i përshtatshëm për jetën e lashtë, por zbulimi i organikeve brenda një planeti në sistemin diellor mund të na japë ndonjë shënjë në teorinë se si filloi jeta në Tokë, dhe se si jeta mund të evulojë në planetet përtej sistemit diellor. /k.h. – Tech.Al/
http://www.tech.al/gjendet-akull-ne-merkuri/
