TIRANE, 15 Tetor/ATSH/- Brenda 31 dhjetorit të vitit 2015, Shqipëria do të lidhe me Bashkimin Europian, Marrëveshjen Financiare IPA 2014.
Në sajë të kësaj marrëveshje, Shqipëria do të menaxhojë vetë fondet e Bashkimit Europian.
Ministrja e Integrimit, Klajda Gjosha, konfirmoi sot në seancën parlamentare, lidhjen e marrëveshjes financiare IPA 2014, brenda 31 dhjetorit të këtij viti, ku për herë të parë Shqipëria menaxhon fondet e BE-së.
Ministrja Gjosha ka deklaruar se "jemi të bindur se Shqipëria në vijim, do të përfitojë më shumë fonde se tani nga Bashkimi Europian"./a.gegvataj/
