Gjykata Kushtetuese i ka hequr sot mandatin deputetit socialist Koço Kokëdhima.
Disa muaj më parë, Zoti Kokëdhima u akuzua nga Partia Demokratike se kishte përfituar fonde publike gjatë kohës që ishte deputet, shkelje kjo e Kushtetutës.
Sipas verifikimeve të kryera, Koço Kokëdhima ka përfituar 150 tendera publikë me anë të kompanisë së tij.
Vendin e tij do ta zërë Edmond Leka, kryetari I degës së Partisë Socialiste në Vlorë.
Partia Demokratike ka kërkuar nga Gjykata Kushtetuese dhe shqyrtimin e mandatëve të deputetëve Valentina Leskaj dhe Rakip Suli, akuzuar për të njëjtën shkelje.
