Google shpik makinen qe e ngasin dhe te verbrit (VIDEO)

Gjigandi Google ka ndryshuar mënyrën se si ne kërkojmë në internet, se si navigojmë dhe se si shikojmë video. Por arritja më e fundit e firmës mund të jetë ndoshta më e madhja. Bëhet fjalë për një makinë që nuk ka nevojë të kontrollohet nga njerëzit, por vetëkontrollohet. Për projektin po punohet prej vitesh, po së fundmi Google ka publikuar një video ku shfaqet një i verbër, i quajtur Steve Mahan, i cili kryen punët e tij falë makinës së Google. Ai është 95 përqind i verbër. Edhe pse një punonjës i Google është në makinë, ai nuk bën asgjë. Vetë Mahan tallet: “Shiko mama, pa duar e pa këmbë. Ju djema dilni jashtë, kam ca vende ku duhet të shkoj”. Makina e kontrollon rrugën me kamera, radar dhe lazer. Ajo lëviz me siguri në vende të paraprogramuara.