Një postim i Granit Xhakës në rrjetet sociale ka krijuar sot shumë pështjellim dhe ka bërë që natyrshëm të lindë pyetja: Sa është numri i vëllezërve Xhaka?
Granit Xhaka hodhi një foto ku shfaqeshin ai me fanellën e Zvicrës, Taulanti me fanellën e Shqipërisë dhe Agon Xhaka me fanellën e Kosovës.
"Tre vëllezër, tre shtete. Krenar", ishte mesazhi i mesfushorit shqiptar që luan për Zvicrën.
Ky postim ka bërë lëmsh rrjetet sociale, ku shumë tifozë nuk e dinin që Agon Xhaka, ndonëse cilësohet si vëlla nga Graniti dhe Taulanti, është thjesht kushëriri i parë i tyre.
