Grate me me influence ne bote

Gruaja më me influencë në botë është kancelaria gjermane Angela Merkel, dhe mban këtë vend për të tretin vit radhazi. Sheila Bair, drejtore e korporatës së sigurimit të depozitave federale renditet në vendin e dytë.

Në vendin e tretë është K. Nooyi e kompanisë PepsiCo e cila ka bërë përpjekje për ta zgjeruar kompaninë në të gjithë botën.

Angela Braly (vendi i 4-ët) është drejtore e kompanisë së sigurimit të shëndetit WellPoint. Këtë vit ajo pati probleme të mëdha megjithatë i bëri ballë.

Në vendin e 5-të, Cynthia Carroll drejton gjigantin Anglo – Amerikan të minierave.

Irene Rosenfeld e kompanisë Kraft renditet në vendin e 6-të, pati një zgjerim të madh në Kinë me produktin e ri Oreo.

Në fund të mandatit të saj, sekretarja amerikane e shtetit Condoleezza Rice renditet në vendin e 7-të, duke u përballur me zotësi me problemet diplomatike të kohëve të fundit sa i përket Pakistanit, Rusisë dhe vendosjes së paqes në Lindjen e Mesme.

Në listën e Forbes këtë vit renditen 54 gra biznesmene, 23 politikane dhe pjesa tjetër i përket botës së medias dhe kompanive jofitimprurëse.

Vendet me më shumë gra në drejtim janë Anglia me 5 gra, Kina (katër), Franca, India dhe Holanda (nga tre secili), Maroku hyn në listë për herë të parë me Hynd Bouhia (në vendin e 29), drejtore e përgjithshme e Casablanca Stock Exchange.

Gratë në këtë listë nuk janë më të pasurat, por ato më me influencë në botë.

Këtë vit, Hillari Clinton e cila ka pasur një impakt të madh në publik renditet në vendin e 28-të, për shkak të dështimit që pati në zgjedhjet presidenciale të SHBA-së këtë vit.