Bregdetarët shënojnë në ekstrem, mbeten në vendin e tretë
Orikumi dhe Bilisht Sporti e kanë kthyer në një ndeshje më shumë se të luftuar përballjen e djeshme. Vendësit që renditen në vendin e tretë kanë arritur të fitojnë 1-0 me golin e shënuar vetëm në minutën e fundit nga Gjondeda.
Dy skuadra që këtë sezon kanë qenë ndër më të mirat e Grupit B kanë demonstruar një lojë të fortë e të bukur. Takimi është zgjidhur vetëm në fund, në një kohë që bilishtarët kanë rrezikuar në disa momente.
Ndeshja
Loja nis me mjaft ritëm nga të dyja skuadrat që kërkojnë të marrin fitoren. Pas disa momenteve të mira, Orikumi ka mundësinë të shënojë me Xhuvelin, por ky i fundit nuk finalizon siç duhet. Më pas është edhe Xhelili që ka një mundësi të mirë, por sërish nuk ka gol. Ndërsa miqtë përgjigjen me Ngjelën, por pret portieri. Pavarësisht rasteve, pjesa e parë mbyllet me rrjeta të paprekura. Në fraksionin e dytë, loja bëhet edhe më e fortë ku Bilishti kërkon të realizojë me Ametllin e Ngjelën, ndërsa Orikumi ka mundësi mjaft të mira me Gjondedën, Nurçe dhe Dervishin.
Nuk ka gol deri në fundin e takimit. Në të 89-ën, Azizi kroson saktë në zonë për Gjondedën, me këtë të fundit që nuk e ka të vështirë të realizojë. Nuk ka më kohë dhe vendësit e ruajnë avantazhin deri në fund. Një takim i bukur dhe me shumë raste duke u falur kënaqësi tifozëve që e ndoqën. Vendësit qëndrojnë kështu në vend të tretë, ashtu si edhe në dy sezonet e fundit të kampionatit në Kategorinë e Dytë duke treguar edhe një herë se mbeten pretendentë realë për t'u ngjitur një kategori më lart në sezonet e ardhshme. Kastriot Brahimaj
Orikumi-Bilisht Sport 1-0
Goli: Gjondeda 89'
Orikumi: Hasani, Troka, Hoxha, Gjipali, Omeri, Nurçe, Gjondeda, Azizi, Xhuveli (Bërdo 65'), Xhelili (Kongjoni 46'), Dervishi (Capoj 80'). Trajner: A.Haxhiaj
Bilisht Sporti: Mara, Bino, Koçi, Xhandaveli, Bilali, Xhega, Xhelili, Starko, Zeqollari, Ametlli, Ngjela. Trajner: T.Meraku
Karton i verdhë: Xhega
Gjyqtarë: M.Dervishi, B.Çela, E.Aliaj
Delvina gjen "heroin", Mehmeti i bën të gjitha
Delvina nuk gabon në shtëpi, teksa ka mposhtur me rezultatin e ngushtë 2-1 Tepelenën. Në minutën e 16-të, vendësit shënojnë golin e parë me Dritan Mehmetin që është njëkohësisht edhe trajner. Dy minuta më pas barazojnë miqtë nga pika e bardhë me anë të Sulajt. 45-minutëshi i dytë nis po ashtu si i pari nën epërsinë e vendësve që konkretizojnë aksionet në minutën e 57-të. Është sërish trajneri-lojtar Mehmeti që kalon të tijtë në avantazh falë përvojës së gjatë me fanellën e Delvinës. Miqtë, edhe pse luajnë mirë, nuk ia dalin të barazojnë.Tomor Shehu
Delvina-Tepelena 2-1
Golat: Dr.Mehmeti 16', 57'/ Sulaj 19'(p)
Delvina: Çallari, Çoku, Do.Mehmeti, Braxulla, Çuno, Hakarepi, Imeri, Dr.Mehmeti, S.Çuno, Sopjani, Myftari. Trajner: Dr.Mehmeti
Tepelena: Sunda, Brahimi, Saka, Luzi, Kuçi, Sulaj (Kazma 32'), Kalaj, Jaupi, Luiz Denestro, Rustemi, Aliaj. Trajner: I.Selimi
Kartonë të verdhë: Braxulla, Do.Mehmeti, Myftari/ Luiz Denestro
Gjyqtarë: Xh.Radaj, L.Koçi, K.Cenaj (Durrës)
Vëzhgues: A.Muça (Vlorë)
Delegat: S.Sadikaj (Sarandë)
Tri penallti në një ndeshje, Domosdova surprizon Skraparin
Pas disa rezultateve pozitive, Skrapari humbet në fushën e tij përballë Domosdovës. Pjesa e parë përfundon 1-1. Miqtë shënojnë të parët që në minutën e 2-të me anë të Kuklit dhe më pas është Guri që barazon me penallti. Fillimi i pjesës së dytë është identik me të parën, ku janë sërish miqtë që shënojnë me anë të Bozhës. Por, pas dy minutash, Skrapari fiton një penallti. Protestojnë miqtë që përplasen edhe me portierin vendës që ndëshkohet me karton të kuq. Barazon Karamani, por në të 77-ën miqtë realizojnë golin e fitores me penallti. Arben Çepani
SKRAPARI-DOMOSDOVA 2-3
Golat: Guri 38'(p), Karamani 50'(p)/ Kukli 2', Bozha 47', Vreto 77'(p)
Skrapari: Spahiu, Kurti, Myftari, Dosti, Zhezha, Veisllari (Beqollari 49'), Kërdhicka, Karamani, Jaho, Lila, Guri. Trajner: A.Spahiu
Domosdova: Çelaj, F.Rira, Facja, Kushta (Lusha 90'), Xh.Rira, Bozha, Duka, Liçkollari, Bojka, Vreto, Kukli (Halili 60'). Trajner: E.Karriqi
Kartonë të verdhë: Kurti 33', Zhezha 38'/ Facja 7'
Kartonë të kuq: Spahiu 49'/ Polisi 49'(në stol)
Gjyqtarë: G.Sulko, S.Met'hoxha, E.Malo (Lushnjë)
Vëzhgues: I.Ziraj (Kuçovë)
Delegat: D.Dume (Kuçovë)
Gramozi siguron mbijetesën, Himara me një këmbë në të Tretën
Himara fundoset në shtëpi përballë një Gramozi mjaft konciz dhe të qetë në lojën e vet që del me tri pikë të plota nga fusha. Kur kanë mbetur edhe tri javë, kolonjarët kanë siguruar matematikisht mbijetesën, ndërsa himarjotët praktikisht mund të konsiderohen që tani të rënë në Kategorinë e Tretë. Pesë minuta para fundit të pjesës së parë, Lice shënon për miqtë duke çuar Gramozin në avantazh. Në pjesën e dytë, miqtë mundohen të administrojnë rezultatin dhe ia arrijnë qëllimit, madje gjejnë dhe golin e dytë me anë të Mazes duke mbyllur gjithçka që në të 70-ën. Kastriot Brahimaj
HIMARA-GRAMOZI 0-2
Golat: Lice 40', Maze 70'
Himara: Sadikllari, Hyso, Bacaj, Hoxha, Muçollari, Plaka, Bako, K.Prifti, Aliko, Shenaj, Shehaj. (U aktivizuan: Shehu, J.Prifti, Rrapaj). Trajner: Sh.Imeraj
Gramozi: Metko, Ferrera, Dos Santos, Kodra, Maze, Mydini, Fasllia, Runi, Lumani, Lice, Drami. (U aktivizuan: Çarçani, Hodo). Trajner: S.Rustemi
Gjyqtarë: Q.Capo, D.Kasa, H.Lila
Përmeti thyen Memaliajn, portieri luan me fanellën e Kombëtares
Përmetarët kanë fituar 1-0 përballë Memaliajt që nga formacioni titullar kishte vetëm katër lojtarë. Vendësit arritën të shënonin falë një goditje dënimi me anë të Sakollarit, i cili e ekzekutoi mjeshtërisht. Futbollistët e rinj memaliotë demonstruan një përgatitje të kënaqshme ku ra ne sy loja e Ajdinit, Merdanit, Memallajt, Lilës dhe D.Shehut, të cilët u paraqitën si të barabartë përballë vendësve. Takimi u zhvillua mjaft i qetë, pasi të dyja ekipet nuk kishin objektiva. Një gjë e veçantë ishte se portieri i Memaliajt luajti me uniformën e Kombëtares shqiptare. Roland Suli
Përmeti-Memaliaj 1-0
Goli: Sakollari 15'
Përmeti: Xhako, Dori, Këndella, K.Hoxha, Mihali, Duro (Markos 80'), Karalliu, Shele, Sakollari (Mesia 65'), Merko, Petro (Lamaj 46'). Trajner: A.Kano
Memaliaj: Zhupa, Merdani (Memallaj 80'), Ajdini, Çaushi, D.Shehu, Kl.Hoxha, Jaupi, Bilaj, Hysesani (Lila 60'), Hyka, K.Shehu. Trajner: A.Zhupa
Kartonë të verdhë: K.Shehu 33', Duro 56'
Gjyqtar: L.Dosti, K.Berberi, G.Balliu (Berat)
Vëzhgues: G.Loce (Korçë)
Delegat: L.Xhani (Këlcyrë)
