Gruri ankohen prodhuesit shqiptar Po sfidohemi nga nje kompani serbe

Gruri me origjinë nga Serbia është vënë sërish në qendër të kritikave, pas deklaratës së kryetarit të shoqatës së Mullinjve në Kosovë, Misin Voci i cili tha se një kompani me origjinë serbe nëpërmjet doganës së Kosovës po ushqen shqiptarët me miell që prodhohet nga gruri i destinuar për ushqim kafshësh.

E njëjta gjë është shprehur më herët nga përfaqësues të industrisë së miellit në Shqipëri, të cilët ankohen se një kompani serbe po i sfidon me biznesin e tyre, për më tepër të dëmshëm për shëndetin e popullsisë.
 
Burime për A1 Report thonë se disa përfaqësues të firmave më të mëdha të miellit në vend janë në bisedime me Ministrinë e Bujqësisë për rritjen e cilësisë së miellit që importohet në vend, propozim i cili është shtyrë për 4 herë.
 
Paradoksi është i tillë: Përse Ministria e Bujqësisë nuk aprovon propozimin që ka bërë vetë. Shtyrja e fundit, e para 2 javëve është bërë për deri më datë 31 maj. Deri atëherë, shqiptarët do të vijojnë të bombardohen me miell të lirë, por aspak cilësor.