Ish-trajneri i Bajernit të Mynihut, Pep Guardiola është prezantuar këtë të diel me skuadrën e tij të Mançester Sitit.
Në fjalët e tij të para si trajner i ardhshëm në Premier Ligë, Guardiola ka thënë se pretendon të arrijë ato rezultate që ka marrë me Bajernin e Mynihut në Gjermani dhe me Barcelonën në Spanjë.
"E di që do të jetë e vështirë të arrish ato rezultate në Premier Ligë që kam arritur në Spanjë, apo në Gjermani. Di gjithashtu që dikush mund të thotë se këto rezultate i kam marrë sepse kam drejtuar Barcelonën edhe Bajernin e Mynihut.
Por mendoj se mund t'ia arrijë edhe këtu dhe kam thënë "ta provojmë"",-ka thënë Guardiola para tifozëve të Mançester Sititit, intervistë e cila është transmetuar në kanalin "Siti Tv".
Duke folur për mënyrën e lojës, tekniku ka thënë se shumë e kanë pyetur se si do luajnë në Angli. "Sigurisht që kam një ide, por do ndryshojmë shumë gjëra në vazhdim",-ka thënë ai.
Çfarë do bëjë
"I njoh lojtarët dhe cilësitë e tyre",-tha Guardiola, ndërsa kërkoi kohë për të treguar aftësitë e tij dhe për: "të kuptuar lojtarët e mi, për t'i përqafuar dhe për t'i marrë me shkelma b***ve. Një nga ëndrrat e mia kur isha futbollist, ishte të vishja këtë fanellë. Tani ëndrra ime u bë realitet",-ka thënë ai.
