Naser Aliji përfundon në listën e dëshirave të Hanoverit. Skuadra në të cilën u aktivizua për vite me radhë, Altin Lala tani kërkon të ketë një tjetër shqiptar në përbërje. 
Aliji nuk është duke luajtur rregullisht me ekipin e Bazelit dhe për këtë fakt po kërkon të ndryshojë ambient gjatë merkatos së ardhshme, por fillimisht duhet të kuptohen edhe qëllimet që ka skuadra aktuale e tij.
Hanoveri gjatë këtij viti ka qenë në krizë dhe ka prerë biletën për në Bundesligën e dytë gjermane, por nuk është çudi që vitin tjetër të tentojë të ringjitet. Një histori e tillë u përsërit me ekipin e Abrashit, ku Frajburgu siguroi ngjitjen për në elitën e futbollit shumë pak kohë pasi ra një kategori më poshtë.
