Në akuariumin gjigand do të notojnë 65.000 peshq. Nuk do të mungojnë edhe delfinët, ata që kanë një përshtatshmëri të lehtë për të bërë akrobacira jashtë ujit. Dhomat standard do të kushtojnë rreth 300 euro në natë. Çmime të larta do të kenë suitat, 900 metër katrorë; secila nga këto suita ka tre dhoma gjumi tre banja dhe një sallon me një tryezë të dekoruar me ar. Përreth resortit do të ketë një numër të madh restorantesh, qendra konferencash, butikë të ndryshëm, që do të prezantojnë veshje dhe aksesorët më në modë.
Hoteli me 5 yje nuk i ka ngazëllyer të gjithë. Më kritikët në këtë drejtim kanë qenë ambientalistët, që e kanë vlerësuar negativisht projektin që nga fillimi i tij. Sipas ekologjistëve konstruksioni ka dëmtuar seriozisht ishullin. Negativisht ata kanë vlerësuar edhe rrugën më shumë se 30 orë që u është dashur delfinëve për të mbërritur deri në destinacion. Por gjithë kjo nuk duket se ka ndikuar në investitorët që kanë deklaruar se besojnë në këtë projekt. Manjati amerikan Donald Trump ka njoftuar se shumë shpejt do të ngrejë një hotel të vetin në këtë ishull. Ndërsa për vitin 2010 duhet të jetë gati një teatër me 1800 vende.
Gazeta: Shekulli
